- 2019-10-01 06:15:29
- ព័ត៌មាន
OnePlus 7T និង 7 Pro ខុសគ្នាត្រង់ចំណុចណាខ្លះ?
- 2019-10-01 06:15:29
- ចំនួនមតិ 0 | ចំនួនចែករំលែក 0
OnePlus 7T និង 7 Pro ខុសគ្នាត្រង់ចំណុចណាខ្លះ?
ចន្លោះមិនឃើញ
OnePlus 7T បានប្រកាសប៉ុន្មានថ្ងៃមុននេះ ហើយទទួលបានចំណាប់អារម្មណ៍ជាច្រើន។ ទូរសព្ទនេះបង្កើតឡើង ដើម្បីជំនួសឲ្យ OnePlus 6T ដែលប្រកាសកាលពីឆ្នាំមុន។ អ្វីដែលគួរឲ្យកត់សម្គាល់នោះគឺ OnePlus 7T មានចំណុចស្រដៀងនឹង 7 Pro ខ្លាំង ហើយថែមទាំងមានចំណុចល្អជាង 7 Pro ទៀតផង។ ទាំងនេះជាចំណុចខុសគ្នារវាងទូរសព្ទទាំងពីរ៖
អេក្រង់
OnePlus 7T ភ្ជាប់មកជាមួយនឹងអេក្រង់ AMOLED ៩០ Hz ដូច 7 Pro ដែរ ប៉ុន្តែវាមានអេក្រង់រាប បង្ហាញបានកម្រិត FHD+ និងមានក្បាលឆកតូចនៅខាងមុខ ផ្ទុយពី 7 Pro ដែលអេក្រង់កោងនៅគែម គ្មានក្បាលឆក និងបង្ហាញក្នុងកម្រិត QHD+ ។
កម្លាំងម៉ាស៊ីន
OnePlus 7T ប្រើប្រាស់បន្ទះឈីប Snapdragon 855+ ថ្មី ដែលមានល្បឿនលឿនជាង 855 ចំនួន ១៥%។ ប៉ុន្តែក្នុងការធ្វើតេស្តទូរសព្ទទាំង ២ ពុំមានលឿនខុសគ្នាប៉ុន្មានទេ។
កាមេរ៉ា
OnePlus 7 Pro និង 7T មានកាមេរ៉ា ៣ គ្រាប់និងប្រើប្រាស់ sensor ដូចគ្នាបេះបិទ ប៉ុន្តែ 7T មានរចនាបថកាមេរ៉ាជារង្វង់ ហើយថែមទាំងភ្ជាប់មុខងារ Macro សម្រាប់ថតរូបភាពជិតខ្លាំង ដែលពុំមាននៅលើ 7 Pro។
ថ្មនិងបច្ចេកវិទ្យាសាកលឿន
7T មានថ្មទំហំត្រឹមតែ ៣៨០០ mAh តូចជាង 7 Pro ដែលមាន ៤០០០ mAh ប៉ុន្តែ OnePlus បានដាក់បច្ចេកវិទ្យាសាកលឿនថ្មីឈ្មោះថា Warp Charge 30T ។ បច្ចេកវិទ្យានេះអាចសាកបានក្នុងល្បឿន ៣០ វ៉ាត់ដូចមាននៅលើ 7 Pro ដែរ ប៉ុន្តែ OnePlus បានធ្វើការកែសម្រួល ដើម្បីឲ្យវារក្សាភាពត្រជាក់ពេលសាកនិងលឿនជាងមុនបន្តិច។
OnePlus 7T នឹងដាក់លក់ក្នុងតម្លៃ ៦០០ ដុល្លារ មាន ២ ពណ៌ ដូចជា ពណ៌ប្រាក់់និងពណ៌ខៀវ រីឯ 7 Pro ផ្ដើមក្នុងតម្លៃ ៦៧០ ដុល្លារ ៕