- 2019-09-26 08:02:38
- ព័ត៌មាន
Huawei ដណ្ដើមបានមកវិញ តំណែងស្ដេចស្មាតហ្វូនកាមេរ៉ា
- 2019-09-26 08:02:38
- ចំនួនមតិ 0 | ចំនួនចែករំលែក 0
Huawei ដណ្ដើមបានមកវិញ តំណែងស្ដេចស្មាតហ្វូនកាមេរ៉ា
ចន្លោះមិនឃើញ
ឆ្លងកាត់ការធ្វើតេស្តរូចមក ពេលនេះ DxOMark បានបញ្ចេញលទ្ធផលនៃសមត្ថភាពថតរូប/វីដេអូ របស់ Huawei Mate 30 Pro ដែលវាអាចទទួលបានពិន្ទុសរុបរហូតដល់ ១២១ ពិន្ទុ។ លំដាប់ពិន្ទុនេះអាចឲ្យវាយកឈ្នះ Galaxy Note10+ 5G របស់ Samsung ដែលមាន ១១៧ ពិន្ទុ។
សម្រាប់ការថតវីដេអូ Mate 30 Pro អាចទទួលបានពិន្ទុចំនួន ១០០ ទាបជាង Galaxy Note10+ 5G ដែលមានពិន្ទុដល់ ១០១ ខាងផ្នែកថតវីដេអូ។ សមត្ថភាពថតរូបភាព Mate 30 Pro ទទួលបានពិន្ទុដល់ ១៣១ ពិន្ទុ ជាពិន្ទុខ្ពស់ដាច់គេមួយ ខណៈ Note10+ 5G បាន ១២៦ ពិន្ទុ។
យ៉ាងណាក្ដី Mate 30 Pro ក៏នៅមានចំណុចខ្សោយដែរ ដោយសមត្ថភាពថតរូបចេញពីកាមេរ៉ាខាងមុខវាអាចទទួលបានសរុប ៩៣ ពិន្ទុ (ខាងថតរូបបាន ៩៧ ពិន្ទុ និងការថតវីដេអូបាន ៨៨ ពិន្ទុ)។ ប្រៀបនឹង Note10+ 5G ទទួលបានពិន្ទុសរុប ៩៩ សម្រាប់កាមេរ៉ាមុខ (ខាងថតរូបបាន ១០៣ ពិន្ទុ និងការថតវីដេអូបាន ៩៣ ពិន្ទុ)។
Mate 30 Pro មានបំពាក់ប្រព័ន្ធកាមេរ៉ាថ្មី ដែលកាមេរ៉ាខាងក្រោយមានចំនួន ៤ ដោយកាមេរ៉ាមេមានកម្រិត ៤០ MP (Aperture f/1.6), កាមេរ៉ា Ultrawide កម្រិត ៤០ MP (Aperture f/1.8), កាមេរ៉ា Telephoto កម្រិត ៨ MP (Aperture f/2.4) និងទីបួនជាកាមេរ៉ាវាស់ជម្រៅ 3D ToF។
ចំណែកខាងមុខមានបំពាក់កាមេរ៉ាប្រភេទ Wide កម្រិត ៣២ MP មាន Aperture f/2.0 និងមានអមដោយកាមេរ៉ា 3D ToF មួយផងដែរ៕
ចុចអាន ៖ មេ Huawei ឆ្លើយតបរឿង Mate 30 Series លេង Facebook បានឬអត់?
