- 2019-09-25 07:54:22
- ផលិតផលថ្មី
Xiaomi បញ្ចេញ Mi 9 Pro ញាត់ឈីប Snapdragon 855+ និងមាន RAM ដល់ 12GB
- 2019-09-25 07:54:22
- ចំនួនមតិ 0 | ចំនួនចែករំលែក 0
Xiaomi បញ្ចេញ Mi 9 Pro ញាត់ឈីប Snapdragon 855+ និងមាន RAM ដល់ 12GB
ចន្លោះមិនឃើញ
ក្រុមហ៊ុន Xiaomi បានបង្ហាញចេញ Mi 9 Pro ដែលជាអ្នកស្នងតំណែងរបស់ Mi 9 ដោយវាមានបន្ថែមនូវបន្ទះឈីបថ្មី សមត្ថភាពសាកថ្មលឿនជាងមុន និងមាន RAM ទំហំដល់ ១២ GB ឯណោះ។
ចំណុចដែលមិនផ្លាស់ប្ដូរគឺអេក្រង់ OLED ទំហំ ៦,៣៩ អ៊ីញ មានទ្រនាប់ស្កេនលើអេក្រង់ និងមានកាមេរ៉ាបីគ្រាប់ មានកាមេរ៉ាមេកម្រិត ៤៨ MP ដូចមុន។
ការបន្ថែមថ្មីគឺថ្មដែលមានទំហំដល់ ៤០០០ mAh សមត្ថភាពសាកថ្មកម្លាំង ៤៥ វ៉ាត់ (ឆ្នាំងសាកមានក្នុងប្រអប់) និងសមត្ថភាពសាកថ្មឥតប្រើខ្សែកម្លាំង ៣០ វ៉ាត់។ ស្មាតហ្វូននេះក៏អាចសាកថ្មឲ្យឧបករណ៍ដទៃក្នុងល្បឿន ១០ វ៉ាត់ ជាលើកដំបូងរបស់ Xiaomi។ មួយទៀតវាក៏មាននូវរន្ធបំពងសំឡេងថ្មី ដែលអាចបញ្ចេញសំឡេងបានឮជាង និងពីរោះជាងស្មាតហ្វូនមុន។
តម្លៃស្មាតហ្វូននេះគឺមានចាប់ពី ៥២០ ដុល្លារ ដល់រហូត ៦០៥ ដុល្លារ ដែលមានជម្រើស RAM 8GB/អង្គផ្ទុក 128GB, 8GB/256GB, 12GB/256GB និង 12GB/512GB ជាមួយជម្រើសពណ៌ស និងពណ៌ខ្មៅ។
Mi 9 Pro ក៏នឹងមានប្រភេទ 5G ដែលមានលក់ចាប់ពីថ្ងៃទី ៣១ ខែតុលា ដោយតម្លៃមិនទាន់បង្ហាញចេញនៅឡើយ៕
ចុចអាន ៖ មើលរូបភាពគំរូថតចេញពីកាមេរ៉ា 108MP របស់ Xiaomi Mi Mix Alpha