- 2019-09-25 01:54:57
- ព័ត៌មាន
Xiaomi បញ្ចេញទូរសព្ទអេក្រង់ព័ទ្ធជុំវិញ 4D មានកាមេរ៉ា 108MP
- 2019-09-25 01:54:57
- ចំនួនមតិ 0 | ចំនួនចែករំលែក 0
Xiaomi បញ្ចេញទូរសព្ទអេក្រង់ព័ទ្ធជុំវិញ 4D មានកាមេរ៉ា 108MP
ចន្លោះមិនឃើញ
Xiaomi តែងតែបញ្ចេញបច្ចេកវិទ្យាថ្មីរបស់ខ្លួននៅលើត្រកូល Mix របស់ខ្លួន ហើយថ្មីនេះ Xiaomi បានបង្កភាពភ្ញាក់ផ្អើលពេលខ្លួនប្រកាស Mi Mix Alpha ដែលមានអេក្រង់ព័ទ្ធជុំវិញទូរសព្ទ និងមិនតែប៉ុណ្ណោះប្រើប្រាស់កាមេរ៉ា ១០៨ មេហ្កាភិកសែលរបស់ Samsung ទៀតផង។
Mi Mix Alpha ភ្ជាប់មកជាមួយបន្ទះឈីបចុងក្រោយបង្អស់ Snapdragon 855+ រ៉េម ១២GB ជាមួយនឹងអង្គផ្ទុកទិន្នន័យ ៥១២GB ហើយមានទំហំថ្ម ៤០៥០ mAh អាចសាកលឿនបាន ៤០ វ៉ាត់។
អ្វីដែលពិសេសអំពីទូរសព្ទនេះគឺអេក្រង់ព័ទ្ធជុំវិញទូរសព្ទបានទៅដល់ ១៨០% នៃទូរសព្ទទាំងមូល។ ទូរសព្ទនេះនៅសល់គែមបន្តិចនៅខាងលើនិងក្រោមមានកម្រាស់ ២,១៥ mm និងមានកាមេរ៉ានៅខ្នងការពារដោយកញ្ចក់ត្បូងកណ្ដៀង (Sapphire glass)។ នៅគែមសងខាងគឺកញ្ចក់សុទ្ធអាចស្គាល់កម្លាំងសង្កត់និងអាចបង្ហាញសារដំណឹងបាន។ ទូរសព្ទនេះគ្មានរន្ធបំពងសំឡេងឡើយគឺស្ថិតក្រោមអេក្រង់ទាំងអស់។
Xiaomi Mi Mix Alpha ប្រើប្រាស់កាមេរ៉ា ១០៨ MP , ២០ MP Ultrawide ១១៧ ដឺក្រេ និង ១២MP Telephoto។ ទូរសព្ទនេះនឹងដាក់លក់នៅខែធ្នូ ឆ្នាំនេះជាមួយនឹងតម្លៃ ២៨០០ ដុល្លារ ៕