Samsung ថែមមុខងារពិសេស ២ លើកំណែអាប់ដែតថ្មីសម្រាប់សេរ៊ី Galaxy S10

2019-09-25 01:39:19
ព័ត៌មាន

2019-09-25 01:39:19
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅការអាប់ដែតសម្រាប់ខែកញ្ញានេះ ក្រុមហ៊ុន Samsung បានពាំនាំនូវមុខងារថ្មីជាច្រើនលើប្រព័ន្ធ OS ជំនាន់ក្រោយរបស់ត្រកូល Galaxy S10 សេរ៊ី ដែលរួមមាន Galaxy S10, S10+ និង S10e។ បច្ចុប្បន្នកំពុងបើកឲ្យអាប់ដែតជាបណ្តើរៗនៅផ្នែកខ្លះក្នុងតំបន់អឺរ៉ុប ហើយនឹងបន្តចូលក្នុងទីផ្សារសកលនៃប្រទេសជាច្រើនទៀត។

សម្រាប់កំណែកែប្រែក្រោយនេះ Samsung បានបន្ថែមនូវមុខងារ Night Mode សម្រាប់ការថត Selfie, ការថតវីដេអូព្រាល Live Focus Video (ជាមុខងារចេញផ្សាយលើ Galaxy Note10) និងការគាំទ្រ Link ទៅកាន់ Windows ក៏ដូចជាការគាំទ្រ DeX សម្រាប់ PC ជាដើម។

ជាងនេះអ្នកក៏នឹងទទួលបាននូវមុខងារ AR Doodle ក្នុងកម្មវិធីកាមេរ៉ា សម្រាប់ការថត Selfie និងក្នុងការថតវីដេអូ។ ដោយមុខទាំងនេះសោតសុទ្ធសឹងតែស្រង់ចេញពីស្មាតហ្វូនប៊ិច Note 10 ទើបចេញផ្សាយកាលពីខែសីហាកន្លងទៅ។

ការអាប់ដែតទាមទារអង្គផ្ទុកទំនេរទំហំ 1.2GB ដោយជំនាន់នៃ Firmware នោះគឺ G97xFXXU3ASIG ដែលត្រង់ទីតាំង 'x' ប្រើប្រាស់លេខ '0' តំណាងឲ្យ S10e ខណៈលេខ '3' តំណាងឲ្យ S10 និងលេខ '5' ជា S10+។ ការអាប់ដែតសកលក៏ដូចជាអ្នកប្រើប្រាស់នៅទីផ្សារកម្ពុជារំពឹងនឹងអាចធ្វើទៅបានក្នុងពេលដ៏ខ្លីខាងមុខ៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា