វិធីឆែកមើលសុខភាពថ្ម iPhone មុនសម្រេចប្ដូរថ្មថ្មី

2019-09-13 07:21:01
គន្លឹះ

2019-09-13 07:21:01
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone ដំណើរការយឺត អាចមានពាក់ព័ន្ធនឹងគុណភាពថ្ម ដែលជាការរចនារបស់ប្រព័ន្ធ ដើម្បីការពារកុំឲ្យទូរសព្ទរលត់ដោយចៃដន្យ។ ភាគច្រើនទូរសព្ទម៉ូដែលចាស់ៗ ប្រហែលជួប ហើយអ្នកអាចពិនិត្យមើលវិធីទាំងនេះ ដើម្បីឲ្យប្រាកដក្នុងចិត្តថា គួរផ្លាស់ប្ដូរថ្ម។

វិធីទីមួយ៖ ប្រើកម្មវិធី

មានកម្មវិធីច្រើនក្នុង App Store អាចផ្ដល់ព័ត៌មានពីគុណភាពថ្មរបស់ iPhone បាន។ ក្នុងនោះ កម្មវិធី Battery Life មានការពេញនិយមប្រើប្រាស់ អាចទាញយកឥតគិតថ្លៃ (មានពាណិជ្ជកម្ម)។

ក្រោយពេលដំឡើង ចុចបើកកម្មវិធី នឹងឃើញពីកម្រិតថាមពលថ្ម (អាចល្អ ឬមិនល្អ) នៅលើទំព័រដើមរបស់កម្មវិធីតែម្ដង។ ក្នុងករណីនេះ លើ iPhone 7 Plus ប្រើជាងមួយឆ្នាំ បាត់បង់លទ្ធភាពផ្ទុកថាមពលថ្មប្រមាណ ១០%។

អាចសិក្សាបន្ថែម ដោយចុចលើ Menu បន្ទាត់បីត្រួតគ្នា ផ្នែកលើខាងឆ្វេង > ចុចលើជម្រើស RAW DATA ដើម្បីដឹងពីលទ្ធភាពថ្មចុងក្រោយបង្អស់របស់ iPhone។ តាមរូបភាព លទ្ធភាពផ្ទុកថាមពលថ្មដើម ២៩០០ mAh នៅសល់ប្រមាណតិចជាង ៩០% (២៦០០ mAh) ប៉ុណ្ណោះ។

វិធីទីពីរ៖ ក្នុងកម្មវិធី Settings

ចាប់ពី iOS 11.3 ឡើងទៅ អាចចូលទៅកាន់ Settings > Battery > ជ្រើសរើស Battery Health (Beta) នៅជាជំនាន់សាកល្បង បច្ចុប្បន្ន > ត្រង់ផ្នែក Maximum Capacity នឹងឃើញតួលេខលទ្ធភាពផ្ទុកថាមពលថ្ម គិតជាភាគរយ។ បើលទ្ធភាពផ្ទុកថាមពលធ្លាក់ចុះ រយៈពេលប្រើប្រាស់ទូរសព្ទក៏ខ្លីតាមនោះដែរ។

បើតាមប្រភពពី Apple គួរពិចារណាផ្លាស់ប្ដូរថ្មថ្មី ក្រោយលទ្ធភាពផ្ទុកថាមពលថ្មធ្លាក់ចុះតិចជាង ៨០% ប្រៀបនឹងលទ្ធភាពដើម។ ថ្មបាត់បង់គុណភាព ឬលទ្ធភាពផ្ទុកថាមពលថ្មធ្លាក់ចុះ មានកត្តាច្រើនចូលរួម ក្នុងនោះអ្វីដែលជាចំណុចចម្បងគឺ ការប្រើទូរសព្ទដល់រលត់៕

អត្ថបទទាក់ទង៖

ប្រែសម្រួល៖ ប៊ុនធឿន