ពន្ធនាគារបើកទ្វារចាំ ក្រោយនិស្សិតចិត្តខ្លាំង ២ រូប Hack ចូលឯកសារសម្ងាត់របស់ Trump

2019-09-13 06:40:06
ព័ត៌មាន

2019-09-13 06:40:06
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសារព័ត៌មាន CyberScoop បានរាយការណ៍ថានិស្សិតអាមេរិក ២ រូបមានឈ្មោះ Andrew Harris វ័យ ២៤ ឆ្នាំ និង Justin Hiemstra វ័យ ២២ ឆ្នាំកំពុងប្រឈមនឹងការជាប់ពន្ធនាគាររយៈពេល ២ ឆ្នាំ ក្រោយលុកលុយ Hack ចូលឯកសារកំណត់ត្រាហិរញ្ញវត្ថុរបស់ប្រធានាធិបតីអាមេរិកលោក Donald Trump។

ត្បិតការព្យាយាមរបស់ជនបង្កទាំងពីរពុំទទួលបានជោគជ័យក៏ដោយ ប៉ុន្តែពួកគេនៅតែប្រឈមនឹងការជាប់ពន្ធនាគារដដែល។ ការ Hack នេះធ្វើឡើង ក្រោយពេលដែលនៅឆ្នាំ ២០១៦ អំឡុងពេលធ្វើយុទ្ធនាការបោះឆ្នោតលោក Trump បដិសេធមិនប្រគល់នូវព័ត៌មានទាក់ទិននឹងពន្ធដូចបេក្ខភាពឈរឈ្មោះជាប្រធានាធិបតីឯទៀត។

ហេតុនោះហើយ Harris ក៏ផ្តើមមានគំនិតតាមរយៈការបំពេញបែបបទ FAFSA ក្លែងក្លាយក្នុងការស្នើចូលឯកសារពន្ធរបស់ Trump។ នៅថ្ងៃទី ២ វិច្ឆិកា ឆ្នាំ ២០១៦ អ្នកទាំងពីរបានព្យាយាមបង្កើតនូវឯកសារក្លែងក្លាយដែលបន្លំខ្លួនជាសមាជិកគ្រួសាររបស់ Trump ហើយធ្វើការ Reset នូវកូដសម្ងាត់និងលុកលុយដល់ Security Number ទៀតផង ប៉ុន្តែគ្រប់យ៉ាងមិនទទួលបានជោគជ័យឡើយ។

និស្សិតទាំងពីររូបចុងក្រោយបានសារភាពទោសកំហុស ក្រោយមានការចោទប្រកាន់និងប្រឈមការជាប់ពន្ធនាគាររយៈ ពេល ២ ឆ្នាំ៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា