- 2019-09-13 01:56:30
- ព័ត៌មាន
Samsung កំពុងសម្ងំផលិតមុខងារថតរូបថ្មី ដូចមានលើ iPhone 11 Pro
- 2019-09-13 01:56:30
- ចំនួនមតិ 0 | ចំនួនចែករំលែក 0
Samsung កំពុងសម្ងំផលិតមុខងារថតរូបថ្មី ដូចមានលើ iPhone 11 Pro
ចន្លោះមិនឃើញ
Apple បានប្រកាសចេញនូវមុខងារ "Deep Fusion” ដែលមានបំពាក់លើត្រកូល iPhone 11 ដោយសន្យាថាអាចផលិតរូបភាពស្អាតបំផុត ដោយសាររូបមន្ត Machine Learning ដ៏ឈ្លាសវៃ។ បើផ្អែកតាមចចាមអារ៉ាមចុងក្រោយ Samsung កំពុងសម្ងំផលិតមុខងារផ្ទាល់ខ្លួននេះផងដែរ។
Ice Universe ដែលជាប្រភពចែករំលែកដំណឹងលេចធ្លាយដ៏ល្បី និងព្យាករណ៍ត្រូវៗបំផុតនោះ អាចឲ្យគេជឿជាក់បានអំពីដំណឹងចុងក្រោយនេះ។ ប្រភពនេះបានលើកឡើងថាមុខងារស្រដៀង "Deep Fusion” នេះ អាចនឹងមាននៅលើ Galaxy S11 ដែលចេញឆ្នាំក្រោយ។
មុខងារជំនួយដល់ការថតរូបនេះ នឹងត្រូវពឹងផ្អែកខ្លាំងលើ NPU នៅក្នុងបន្ទះឈីប Exynos ជំនាន់ថ្មី ដោយត្រូវមានល្បឿនគណនាលឿន ក្នុងការត្របាញ់រូបភាពច្រើនសន្លឹកចូលគ្នា។ មុខងារ Deep Fusion របស់ Apple គឺថតយករូបភាព ៩ សន្លឹក រួចបញ្ចូលរូបភាពទាំងនេះចូលគ្នា ផលិតចេញជារូបមួយសន្លឹក មាន Detail ខ្ពស់ និងកាត់បន្ថយគ្រាប់ Noise បានល្អ៕
ចុចអាន ៖ មកដឹងច្បាស់អំពីចំណុចពិសេសៗ iPhone 11 Pro និង 11 Pro Max
