- 2019-09-10 02:33:51
- ព័ត៌មាន
Apple នឹងដាក់ឆ្នាំងសាក ១៨ វ៉ាត់លើ iPhone ថ្មីពីរប្រភេទប៉ុណ្ណោះ
- 2019-09-10 02:33:51
- ចំនួនមតិ 0 | ចំនួនចែករំលែក 0
Apple នឹងដាក់ឆ្នាំងសាក ១៨ វ៉ាត់លើ iPhone ថ្មីពីរប្រភេទប៉ុណ្ណោះ
ចន្លោះមិនឃើញ
ការប្រកាសចេញ iPhone ស៊េរីថ្មីកាន់តែខិតជិតមកដល់ អ្នកវិភាគជើងចាស់គួរឲ្យទុកចិត្តលោក Ming-Chi Kuo បានចេញផ្សាយរបាយការណ៍ថ្មីអំពីអ្វីដែលគួររំពឹង។
លោក Kuo ថាត្រកូល iPhone 11 នឹងមិនអាចទ្រាំទ្រការប្រើ Apple Pencil ឬក៏ប្ដូរប្រើរន្ធ USB-C នោះទេ។ យ៉ាងណាក្ដី iPhone 11 Pro និង 11 Pro Max នឹងមានឆ្នាំងសាកល្បឿនលឿនមកស្រាប់ក្នុងប្រអប់ ដែលស្មាតហ្វូននេះរំពឹងថាមានតម្លៃ ៩៩៩ ដុល្លារ ឡើង។
លោកបានបញ្ជាក់ថាទាំង 11 Pro និង 11 Pro Max នឹងមានឆ្នាំងសាកកម្លាំង ១៨ វ៉ាត់ ដែលឆ្នាំងសាកគឺមានរន្ធតភ្ជាប់ប្រភេទ USB-C មិនមែន USB-A ដូចមុនឡើយ។ ចំណែក iPhone 11 ដែលជំនួសតំណែង iPhone XR នៅតែបន្តប្រើឆ្នាំងសាក ៥ វ៉ាត់ ប្រើ USB-A ដដែល។
បន្ថែមពីនេះលោក Kuo បានព្យាករណ៍ថា iPhone 11 នឹងមានចំនួនលក់ថយចុះ ៥ ទៅ ១០% ធៀបនឹងឆ្នាំមុន អាចលក់បានចន្លោះពី ៦៥ ទៅ ៧០ លានគ្រឿងប៉ុណ្ណោះក្នុងឆ្នាំ ២០១៩ ដោយសារមានកង្វះខាតលើភាពច្នៃប្រឌិត។ ដោយឡែកចំនួនលក់ iPhone សរុបគ្រប់ម៉ូដែលនៅពេញមួយឆ្នាំ ២០១៩ អាចមានដល់ ១៨០ លានគ្រឿង ដោយសារការទម្លាក់តម្លៃ iPhone ម៉ូដែលចាស់៕
ចុចអាន ៖ ព្រោះ iPhone 11 រោងចក្រ Foxconn បានល្មើសនឹងច្បាប់ប្រទេសចិន