- 2019-09-07 02:10:00
- ព័ត៌មាន
អ្នកចង់ទិញ iPhone ឥឡូវ គួរគិតប៉ុន្មានចំណុចនេះសិន
- 2019-09-07 02:10:00
- ចំនួនមតិ 0 | ចំនួនចែករំលែក 0
អ្នកចង់ទិញ iPhone ឥឡូវ គួរគិតប៉ុន្មានចំណុចនេះសិន
ចន្លោះមិនឃើញ
មានហេតុផលមួយចំនួន អ្នកគួរចាំបន្តិចសិន។ ប៉ុន្តែចង់បញ្ជាក់ថា មិនមែនដោយសារ iPhone ស៊េរីបច្ចុប្បន្ននេះមិនល្អនោះទេ iPhone គ្រប់ស៊េរីពេលនេះសុទ្ធតែល្អ អាចទិញបាន។
ប៉ុន្តែ Apple តែងតែបង្ហាញចេញ iPhone ថ្មីនៅរៀងរាល់ខែកញ្ញា ហេតុនេះអ្នកគួរចាំប៉ុន្មានថ្ងៃទៀតសិន ដើម្បីអាចទទួលបានគុណប្រយោជន៍ច្រើនពីការចំណាយរបស់អ្នកទាំងអស់គ្នា។
Flagship របស់ Apple នាពេលនេះ គឺ iPhone XS និង XS Max។ iPhone ដែលចូលមកជំនួសតំណែង iPhone ពីរម៉ូដែលនេះ នឹងមានបន្ថែមមុខងារ/បច្ចេកវិទ្យាចុងក្រោយជាច្រើន ហើយលេចឮល្ហៀងៗថាមានប្រព័ន្ធកាមេរ៉ាថ្មីទៀត។
បើគិតចង់ចំណាយលុយជាង ១ ពាន់ដុល្លារ ទិញទូរសព្ទថ្មី វារាងអស់ច្រើនបន្តិចដែរ ប៉ុន្តែយ៉ាងហោចណាស់គួរចាយវាលើទូរសព្ទដែលល្អបំផុត ចុងក្រោយបំផុត។
មួយវិញទៀត ជាធម្មតា iPhone ថ្មី អាចនឹងមានគ្រឿង Hardware ថ្មី ដែលអាចប្រើបានជាមួយ Software ថ្មីផ្ដាច់មុខ។ តួយ៉ាង Face ID និង Animoji អាចប្រើបានតែមួយ iPhone X ប៉ុណ្ណោះ ពេលវាប្រកាសចេញនៅឆ្នាំ ២០១៧។ ករណី iPhone 7 Plus ក៏ដូចគ្នា គឺវាជា iPhone តែមួយគត់ដែលមាននូវមុខងារ Portrait ពេលប្រកាសចេញឆ្នាំ ២០១៦។
បន្ថែមពីនេះ iPhone ស៊េរីចាស់អាចនឹងធ្លាក់ថ្លៃផងដែរ ពេល iPhone ថ្មីចេញ។ ពេលនេះហាងផ្លូវការរបស់ Apple មានលក់ iPhone ចំនួន ៥ ម៉ូដែល គឺ XS/XS Max, iPhone XR, iPhone 7 និង iPhone 8។ Apple អាចនឹងមិនបន្តលក់ស្មាតហ្វូនស៊េរីចាស់ទាំងអស់នោះទេ ប៉ុន្តែម៉ូដែលដែល Apple នៅបន្តលក់ច្បាស់ជាត្រូវបញ្ចុះតម្លៃមិនខាន។ ពេលដែល Apple ផ្លូវការទម្លាក់តម្លៃ ហាងលក់នៅកម្ពុជាក៏អាចនឹងបន្ថយតម្លៃលក់ iPhone ស៊េរីចាស់ដូចគ្នា ដោយនឹងខុសគ្នាតិចតួចប៉ុណ្ណោះ៕
ចុចអាន ៖ ជម្រើសពណ៌ថ្មីរបស់ iPhone 11 ទម្លាយចេញដោយក្រុមហ៊ុនផលិតសម្បកការពារ