- 2019-09-05 03:28:12
- ព័ត៌មាន
មិនទាន់ចេញ iPhone 11 ផង លេចឮថា iPhone SE ថ្មីនឹងចេញឆ្នាំ ២០២០
- 2019-09-05 03:28:12
- ចំនួនមតិ 0 | ចំនួនចែករំលែក 0
មិនទាន់ចេញ iPhone 11 ផង លេចឮថា iPhone SE ថ្មីនឹងចេញឆ្នាំ ២០២០
ចន្លោះមិនឃើញ
សប្ដាហ៍ក្រោយនេះ Apple នឹងបង្ហាញចេញស្មាតហ្វូន Flagship របស់ខ្លួន ដែលគេជឿជាក់ថាវានឹងប្រើត្រកូល iPhone 11។ បើតាមការចុះផ្សាយរបស់ Nikkei បាននិយាយថា Apple មានគម្រោងនឹងបញ្ចេញ iPhone អេក្រង់ ៤,៧ អ៊ីញថ្មីនៅអំឡុងដើមឆ្នាំក្រោយ ដែលជាអាចជាអ្នកស្នងតំណែង iPhone SE។
iPhone SE គឺជាជម្រើសស្មាតហ្វូនអេក្រង់ទំហំ ៤ អ៊ីញតែមួយគត់ នៅពេលដែល Apple បានប្ដូរអេក្រង់ស្មាតហ្វូនស៊េរីខ្ពស់របស់ខ្លួនឡើងទំហំដល់ ៤,៧ អ៊ីញ និង ៥,៥ អ៊ីញ។ ពេលបង្ហាញមុខ SE អាចទាក់ទាញចំណាប់អារម្មណ៍អតិថិជនច្រើនគួរសម ដោយសារមានរូបរាងតូច ហើយពិសេសមានតម្លៃទាបត្រឹម ៣៩៩ ដុល្លារ។
ការចុះផ្សាយរបស់ Nikkei បាននិយាយថា iPhone ដែលស្នងតំណែង iPhone SE នឹងមានអេក្រង់ ៤,៧ អ៊ីញ ហើយនឹងមានរូបរាងស្រដៀង iPhone 8។ សារព័ត៌មាន Economic Daily News ចេញផ្សាយដំណឹងដូចគ្នានេះកាលពីដើមឆ្នាំ។
SE ថ្មីអាចនឹងប្រើអេក្រង់ LCD ដើម្បីរក្សាតម្លៃឲ្យទាប ប៉ុន្តែទំនងជាមានគ្រឿងក្នុងទំនើប ដូចជាមានឈីប A13 ថ្មី។ គេមិនច្បាស់ទេថាទូរសព្ទនេះ នឹងបន្តប្រើ Touch ID ឬប្ដូរប្រើប្រព័ន្ធ Face ID វិញនោះ។
iPhone XR គឺជាជម្រើស iPhone ប្រភេទធុនកណ្ដាលដ៏ទាក់ទាញមួយ ប៉ុន្តែមានតម្លៃលើ ៧០០ ដុល្លារ។ ទោះបីជា Apple ទម្លាក់តម្លៃ iPhone XR ពេលប្រកាសចេញ iPhone ថ្មី គេរំពឹងថាវានឹងមានតម្លៃចន្លោះ ៦០០ ដុល្លារ ទៅ ៦៥០ ដុល្លារ ដែលនៅតែជាតម្លៃខ្ពស់មួយ។ iPhone SE ថ្មីរំពឹងថានឹងមានតម្លៃថោក ខ្ទង់ ៤០០ ដុល្លារ៕
ចុចអាន ៖ ខំទប់យ៉ាងណាក៏នៅធ្លាយ ឈ្មោះផ្លូវការ iPhone ចេញសប្ដាហ៍ក្រោយ