ត្រៀមៗ! ៣ ខែទៀត នឹងអាចទៅធ្វើស្លាកលេខពិសេស ទុកដល់តកូនតចៅ បានហើយ

2019-09-02 05:09:52
ព័ត៌មាន

2019-09-02 05:09:52
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសេចក្ដីជូនដំណឹងពីក្រសួងសាធារណការ និងដឹកជញ្ជូន បានឲ្យដឹងថា ប្រព័ន្ធលក់លេខចុះបញ្ជីពិសេសផ្ទាល់ខ្លួន នឹងបើកឲ្យដំណើរការឆាប់ៗខាងមុខនេះ (៣ ខែបន្ទាប់ពីចេញសេចក្ដីជូនដំណឹង)។

លោកទេសរដ្ឋមន្រ្តី រដ្ឋមន្រ្តី ស៊ុន ចាន់ថុល

ការចុះបញ្ជីផ្ដល់បណ្ណសម្គាល់យានជំនិះ និងបំពាក់ផ្លាកលេខសម្គាល់យានជំនិះ រាជរដ្ឋាភិបាលកម្ពុជាបានអនុញ្ញាតិឲ្យមានការលេខចុះបញ្ជីពិសេសផ្ទាល់ខ្លួន ដែលមានលេខ ឬអក្សរឡាតាំងមិនឲ្យលើសពី ៨ ខ្ទង់ ដើម្បីបំពេញតម្រូវការរបស់ម្ចាស់យានជំនិះឲ្យកាន់ទូលំទូលាយបន្ថែមទៀត។

លោកទេសរដ្ឋមន្រ្តី រដ្ឋមន្រ្តី ស៊ុន ចាន់ថុល ធ្លាប់បានឡើងថា ការលក់លេខចុះបញ្ជីពិសេសផ្ទាល់ខ្លួន ដើម្បីបង្កការងាយស្រួលក្នុងការរក្សាលេខល្អ ក៏ដូចជាផ្ទេរបន្តទៅកូនចៅបាន។ បច្ចុប្បន្ន នៅពេលលក់យានយន្ត ស្លាកលេខក៏ត្រូវលក់ទៅជាមួយយានយន្តផងដែរ។ ម្យ៉ាងទៀតលេខពិសេសនេះ អាចដាក់លេខ ១ លេខ ២ លេខ ៣ ឬជាអក្សរក៏បានដែរ ហើយលុយនឹងចូលរដ្ឋផងដែរ។

លោកបន្ថែមថា ការដាក់ឲ្យដំណើរស្លាកលេខរថយន្តនេះ ក្នុងគោលបំណង ពេលម្ចាស់រថយន្តលក់ ទៅឲ្យទៅឲ្យម្ចាស់ថ្មីនោះម្ចាស់រថយន្ដចាស់ ក៏អាចទុកលេខចាស់ដដែល ដោយម្ចាស់រថយន្តទិញលេខថ្មីបន្តបំពាក់ថ្មីវិញ។ លោកថា សព្វថ្ងៃ ពលរដ្ឋលក់រថយន្ត លក់ទាំងលេខ និងរថយន្ដទៅឲ្យម្ចាស់ថ្មី។

សូមអានសេចក្តីជូនដំណឹងខាងក្រោម៖