- 2019-08-28 01:58:01
- ផលិតផលថ្មី
Xiaomi ចេញលក់នាឡិកាស្អាតដូច Apple Watch តម្លៃត្រឹម ១២៥ ដុល្លារ
- 2019-08-28 01:58:01
- ចំនួនមតិ 0 | ចំនួនចែករំលែក 0
Xiaomi ចេញលក់នាឡិកាស្អាតដូច Apple Watch តម្លៃត្រឹម ១២៥ ដុល្លារ
ចន្លោះមិនឃើញ
Xiaomi បានបង្ហាញចេញនូវនាឡិកាវៃឆ្លាតថ្មី ម៉ូដែល Amazfit GTS ដែលមានការឌីហ្សាញរូបរាងស្រដៀងនឹង Apple Watch Series 4 គឺមានអេក្រង់រាងកោងលាតសន្ធឹងពេញមុខនាឡិកា។
Amazfit GTS គឺជាអ្នកស្នងតំណែងម៉ូដែល Bip ដែលវាមានតម្លៃប្រមាណ ១២៥ ដុល្លារ ខណៈ Apple Watch មានតម្លៃចាប់ពី ៣៩៩ ដុល្លារ។ នាឡិកានេះមានអេក្រង់ AMOLED Super Retina ទំហំ ១,៦៥ អ៊ីញ ការពារដោយ Corning Gorilla Glass 3 និងតួខ្លួនផលិតអំពីលោហៈ។ អ្នកប្រើប្រាស់អាចជ្រើសរើស Interface នាឡិកាចំនួន ១០០ ប្រភេទខុសៗគ្នា ហើយខ្សែរបស់វាអាចដោះដូរបានផងដែរ។
Amazfit GTS អាចតាមដានលំហាត់ប្រាណចំនួន ១២ រួមមានជិះកង់, រត់ត្រុកៗ, ហែលទឹក, ឡើងភ្នំ, ជិះស្គី និងលើកទម្ងន់ជាដើម។ វាមានបំពាក់ដោយ GPS បូនឹង Glonass មាន BioTracker ដែលអាចវាស់ចង្វាក់បេះដូង។
នាឡិកានេះមានប្រព័ន្ធ Bluetooth 5.0, NFC, ថ្មទំហំ ២២០ mAh ដែលអាចប្រើប្រាស់បានរហូតដល់រយៈពេល ១៤ ថ្ងៃ ហើយអាច Standby បានរហូត ៤៦ ថ្ងៃ។ ដើម្បីសាកថ្មឲ្យពេញត្រូវចំណាយពេល ២ ម៉ោង ហើយវាអាចនៅក្នុងទឹកបានជម្រៅដល់ ៥០ ម៉ែត្រ។
នាឡិកាវៃឆ្លាតរបស់ Xiaomi មានតម្លៃលក់ចាប់ផ្ដើមពីប្រមាណ ១២៥ ដុល្លារ ដែលនឹងចេញលក់ចាប់ផ្ដើមពីថ្ងៃទី ២៤ ខែវិច្ឆិកាខាងមុខ៕
ចុចអាន ៖ រកឃើញថាអ្នកប្រើចង់ឲ្យទូរសព្ទថ្មី ទុករន្ធដោតកាសតែ ១% ប៉ុណ្ណោះ