- 2019-08-20 01:56:22
- ព័ត៌មាន
ក្រុមហ៊ុនស្មាតហ្វូនចិនធំ ៣ ពួតដៃគ្នាចេញមុខងារស្រដៀង AirDrop របស់ Apple
- 2019-08-20 01:56:22
- ចំនួនមតិ 0 | ចំនួនចែករំលែក 0
ក្រុមហ៊ុនស្មាតហ្វូនចិនធំ ៣ ពួតដៃគ្នាចេញមុខងារស្រដៀង AirDrop របស់ Apple
ចន្លោះមិនឃើញ
ក្រុមហ៊ុនផលិតស្មាតហ្វូនធំចំនួន ៣ របស់ចិនគឺ Xiaomi OPPO និង Vivo កំពុងសហការគ្នាបង្កើតនូវវិធីសាស្ត្រផ្ទេរឯកសារថ្មីមួយ ដែលអាចឲ្យស្មាតហ្វូនទាំង ៣ ម៉ាកផ្ទេរឯកសារទៅវិញទៅមកបាន។
វិធីសាស្ត្រនេះ នឹងប្រើប្រាស់នូវ Bluetooth ដើម្បីភ្ជាប់ស្មាតហ្វូនជាមួយគ្នា ហើយមានសមត្ថភាពផ្ទេរឯកសារក្នុងល្បឿន ២០ MB/វិនាទី ដែលអាចសន្និដ្ឋានថាវាប្រើប្រាស់ Wi-Fi នៅ Backend សម្រាប់ការផ្ទេរឯកសារ ស្រដៀងនឹងប្រព័ន្ធ AirDrop របស់ Apple។
Xiaomi បាននិយាយថាក្រុមហ៊ុនស្មាតហ្វូនដទៃទៀត អាចចុះឈ្មោះចូលរួមជាសម្ព័ន្ធមិត្តរបស់ក្រុមហ៊ុនទាំង ៣ បាន។ ប្រភេទសាកល្បងនៃមុខងារនេះ អាចនឹងបញ្ចេញឲ្យប្រើនៅចុងខែសីហានេះតែម្ដង។
គួរដឹងថាក្រុមហ៊ុនទាំង ៣ មានកាន់កាប់ចំណែកទីផ្សារចំនួន ៤៩% នៅចិន កាលពីត្រីមាសទីពីរ។ នេះបើតាមទិន្នន័យចុងក្រោយរបស់ Counterpoint Research ដែលមានន័យថាអ្នកប្រើប្រាស់មុខងារនេះអាចមានចំនួនច្រើន៕
ចុចអាន ៖ ប្រព័ន្ធ 5G ធ្វើឲ្យប្រជាជនចិនប្ដូរទូរសព្ទចាស់យកថ្មី ព្រោះចង់សាក
