- 2019-08-07 03:44:57
- ព័ត៌មាន
ទិន្នន័យចុងក្រោយថា OPPO បានរុញ Apple ឲ្យធ្លាក់មកនៅលេខ ៤
- 2019-08-07 03:44:57
- ចំនួនមតិ 0 | ចំនួនចែករំលែក 0
ទិន្នន័យចុងក្រោយថា OPPO បានរុញ Apple ឲ្យធ្លាក់មកនៅលេខ ៤
ចន្លោះមិនឃើញ
ពេល Apple ប្រកាសអំពីរបាយការណ៍ហិរញ្ញវត្ថុប្រចាំត្រីមាសទី ២ ឆ្នាំ ២០១៩ កាលពីសប្ដាហ៍មុន គេបានដឹងថាចំណូលពីការលក់ iPhone មានការធ្លាក់ចុះ ប៉ុន្តែក្រុមហ៊ុនមិនបានប្រាប់ថាលក់ iPhone បានប៉ុន្មានគ្រឿងនោះទេ។
សប្ដាហ៍មុននេះដែរក្រុមហ៊ុនស្រាវជ្រាវទីផ្សារ Strategy Analytics និង Counterpoint Research បានសន្និដ្ឋានថាចំនួនលក់ iPhone នៅត្រីមាសទី ២ នេះបានថយចុះ ១២% និង ១១% បើធៀបនឹងពេលដូចគ្នាកាលឆ្នាំមុន។ នៅថ្ងៃនេះដែរក្រុមហ៊ុនស្រាវមួយទៀតគឺ IHS Markit បានបញ្ចេញតួលេខអំពីទីផ្សារស្មាតហ្វូន ដែលបានសន្និដ្ឋានថាចំនួនលក់ iPhone ធ្លាក់ចុះដល់ ១៤,៦% ឯណោះ ពោលលក់បាន ៣៥,៣ លានគ្រឿង ក្នុងរយៈពេល ៣ ខែនេះ។
ទិន្នន័យរបស់ IHS បានបង្ហាញថាទីផ្សារស្មាតហ្វូនទាំងមូលលើសកលលោកមានការថយចុះចំនួនលក់ជិត ៤% ហើយដូចគ្នានឹងទិន្នន័យរបស់ Strategy Analytics និង Counterpoint Research ដែរគឺ Apple ជាក្រុមហ៊ុនក្នុងតំណែងកំពូលទាំង ៥ តែមួយគត់ដែលថយចុះចំនួនលក់។ ការសន្និដ្ឋានរបស់ IHS បានធ្វើឲ្យ Apple ឈរនៅតំណែងលេខ ៤ ក្នុងនាមជាក្រុមហ៊ុនលក់ស្មាតហ្វូនបានច្រើនជាងគេ ត្រូវបានផ្ដួលដោយ Samsung, Huawei និង OPPO។
IHS បានលើកឡើងថាការថយចុះចំនួនលក់ iPhone ដោយសារការកំណត់តម្លៃលក់ថ្លៃ និងការទម្លាក់ថ្លៃតិចតួចលើ iPhone អាយុកាល ២ ទៅ ៣ ឆ្នាំ។ ពួកគេបានព្យាករណ៍ថាចំនួនលក់ iPhone នឹងបន្តធ្លាក់ចុះនៅត្រីមាសបន្ទាប់៕
ចុចអាន៖