- 2019-08-06 01:26:41
- ព័ត៌មាន
ស្មាតហ្វូនប្រើ HongMeng OS រំពឹងលេចមុខនៅថ្ងៃទី ៩ សីហា តម្លៃក្រោម ៣ សន្លឹក
- 2019-08-06 01:26:41
- ចំនួនមតិ 0 | ចំនួនចែករំលែក 0
ស្មាតហ្វូនប្រើ HongMeng OS រំពឹងលេចមុខនៅថ្ងៃទី ៩ សីហា តម្លៃក្រោម ៣ សន្លឹក
ចន្លោះមិនឃើញ
យោងតាមសារព័ត៌មាន Global Times បានចុះផ្សាយថាក្រុមហ៊ុនប្រទេសចិន Huawei នឹងប្រកាសចេញផ្សាយនូវស្មាតហ្វូនដំបូងបង្អស់របស់ខ្លួនដែលមានប្រើប្រាស់នូវប្រព័ន្ធប្រតិបត្តិ HongMeng OS នៅសន្និសីទ Huawei Developer Conference នាថ្ងៃទី ៩ សីហាក្នុងទីក្រុង Dongguan ខេត្ត Guangdong។
ជាប្រភេទស្មាតហ្វូនធុនកណ្តាលមានតម្លៃប្រមាណ ២៨៩ ដុល្លារ ដោយវាជាយុទ្ធសាស្រ្តទាក់ចិត្តអ្នកប្រើប្រាស់ឲ្យងាកមកចាប់អារម្មណ៍ជាមួយ OS ថ្មីរបស់ខ្លួន ឈរលើគោលដៅព្យាយាមដកខ្លួនម្តងមួយជំហានចេញពី Android របស់ Google។ នេះបើតាមការបញ្ជាក់យ៉ាងច្បាស់ពីប្រភពខាងលើ។
យ៉ាងណាមិញប្រព័ន្ធប្រតិបត្តិអភិវឌ្ឍដោយខ្លួនឯងនេះ នៅតែអាចគាំទ្រដំណើរការជាមួយកម្មវិធីរបស់ Android បានដដែល ហើយទាក់ទិនការព្រួយបារម្ភដល់ចន្លោះប្រហោងប្រព័ន្ធសុវត្ថិភាពគឺគ្មានបញ្ហាអ្វីទាំងអស់។
ប្រភពមួយផ្សេងទៀតពី 36kr.com ក៏បញ្ជាក់ថាទូរទស្សន៍ឆ្លាតវៃស្លាកយីហោ Honor ដែលមានប្រើប្រាស់ HongMeng OS នឹងប្រកាសផ្សាយនៅថ្ងៃទី ១០ សីហារំលងគ្នាមួយថ្ងៃនោះផងដែរ មុនពង្រីកខ្លួនចូលវិស័យដទៃដូចជារថយន្តបើកស្វ័យប្រវត្តិ និងឧបករណ៍ជាច្រើនទៀតក្នុងថ្ងៃអនាគត៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
