- 2019-08-04 06:41:38
- ព័ត៌មាន
Rolls-Royce Culinan គ្រាន់តែប៉ះពារបន្តិច ត្រូវអស់ថ្លៃជួសជុល ៧ ម៉ឺនដុល្លារ
- 2019-08-04 06:41:38
- ចំនួនមតិ 0 | ចំនួនចែករំលែក 0
Rolls-Royce Culinan គ្រាន់តែប៉ះពារបន្តិច ត្រូវអស់ថ្លៃជួសជុល ៧ ម៉ឺនដុល្លារ
ចន្លោះមិនឃើញ
កាលពីអំឡុងចុងខែកក្កដាកន្លងទៅ មានគ្រោះថ្នាក់ចរាចរណ៍មួយបានកើតឡើងនៅខេត្ត Anhui ប្រទេសចិន កើតមានឡើងរវាងរថយន្ត Peugeot ស៊េរីឆ្នាំ ២០០៨ ជាមួយរថយន្ត Rolls-Royce Cullinan ដែលជា SUV ប្រណីតតម្លៃថ្លៃកប់មួយ។
ការប៉ះទង្គិចមិនសូវជាខ្លាំងនោះទេ ដោយ Cullinan ត្រូវឆ្កូតថ្នាំបន្តិចនៅផ្នែកខាងឆ្វេង។ យ៉ាងណាក្ដីគេបានប៉ាន់ស្មានថាដើម្បីជួសជុលការខូចខាតនេះ ត្រូវចំណាយជាង ៧២ ០០០ ដុល្លារឯណោះ។ គួរដឹងថានៅប្រទេសចិន រថយន្តប្រណីតនេះមានតម្លៃប្រមាណ ៨៦៥ ០០០ ដុល្លារក្នុងមួយគ្រឿង។
រថយន្ត Peugeot 307 ស៊េរីឆ្នាំ ២០០៨ ឯណោះវិញ អ្នកបើកគឺជាមនុស្សស្រី ហើយរថយន្តនេះមានតម្លៃលក់ប្រមាណ ១ ៥០០ ដុល្លារ។ ថ្លៃខូចខាតត្រូវឲ្យម្ចាស់រថយន្ត Peugeot ជាអ្នករ៉ាប់រង ដោយសារម្ចាស់រថយន្តបានប្ដូរគន្លងផ្លូវដោយធ្វេសប្រហែស៕
