រថយន្តបាញ់មិនធ្លុះ Rezvani បង្ហាញមុខលើកដំបូងបំផុតនៅទឹកដីម៉ាកាវ

2019-08-02 02:25:00
ព័ត៌មាន

2019-08-02 02:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តប្រភេទ Xtreme Utility Vehicle (XUV) ម៉ូដែល Rezvani Tank គឺជាប្រភេទរថយន្តបាញ់មិនធ្លុះ ឬរថយន្តធ្វើសង្គ្រាម មានសមត្ថភាពខ្លាំង មានអាវក្រោះការពារគ្រាប់ បានធ្វើពិធីបើកសម្ពោធ showroom ប្រកាសបង្ហាញមុខនៅទឹកដីម៉ាកាវ ប្រទេសចិន។ ការបង្ហាញខ្លួននេះមិនមែនធ្វើឡើងដោយក្រុមហ៊ុនផ្លូវការពី Californian Company អ្វីនោះទេ។

Rezvani Tank

វត្តមានរថយន្តកំណាចនេះដែរ គឺជាបង្ហាញមុខលើកដំបូងបំផុតនៅទឹកដីម៉ាកាវ ដែលជាការនាំចូលមកតាមរយៈបណ្ដាញផ្ទាល់របស់លោក Patrice Meignan ដែលជាថ្នាក់ដឹកនាំជាន់ខ្ពស់ក្រុមហ៊ុន Arsenale ជាដៃគូក្រុមហ៊ុន Rezvani ។

Rezvani Tank

លក្ខណៈពិសេសលើរថយន្តរត់ដោយកង់ទាំង ៤ មួយនេះ មានបំពាក់នូវអាវក្រោះការពារគ្រាប់កាំភ្លើងទាំងលើតួខ្លួន និងកញ្ចក់រថយន្ត។ ការរចនាស្រដៀងនឹងរថយន្តធ្វើសង្គ្រាមនៅក្នុងខ្សែភាពយន្ត Transformers ប៉ុន្តែធាតុពិតផលិតសម្រាប់ប្រើប្រាស់ទូទៅដូចរថយន្តធ្វើដំណើរធម្មតា។

Rezvani Tank បំពាក់នូវម៉ាស៊ីន Hemi V8 ចំណុះ ៦.៤ លីត្រ មានកម្លាំង ៥០០ សេះ តួខ្លួនខាងក្នុងអមដោយសម្ភារៈយ៉ាងប្រណីត បន្សំនឹងកញ្ចក់ Touchscreen ទំហំ ៧.៩ អ៊ីញ អាចឲ្យអ្នកប្រើកម្មវិធី Google Maps, Pandora និង Stitcher ជាដើម។

ក្រៅពីនោះវាមានមុខងារ Night Vision ដែលអាចអនុញ្ញាតឲ្យអ្នកធ្វើដំណើរមើលឃើញផ្លូវច្បាស់នៅស្ថានភាពងងឹតនិងប្រព័ន្ធ Thermal Camera ដែលពពួកមុខងារទាំងនេះ យើងរមែងឃើញលើរថយន្តធ្វើសង្គ្រាមនៅក្នុងខ្សែភាពយន្តបែបវាយប្រហារ។

សូមទស្សនាវីដេអូខាងក្រោម៖