- 2019-07-31 01:20:03
- ព័ត៌មាន
Sony បំបែកកំណត់ត្រាជុំវិញតួលេខលក់ចេញម៉ាស៊ីនហ្គេម PS4
- 2019-07-31 01:20:03
- ចំនួនមតិ 0 | ចំនួនចែករំលែក 0
Sony បំបែកកំណត់ត្រាជុំវិញតួលេខលក់ចេញម៉ាស៊ីនហ្គេម PS4
ចន្លោះមិនឃើញ
ម៉ាស៊ីនហ្គេម PlayStation 4 របស់ Sony បានលក់ចេញដល់តួលេខ ១០០ លានគ្រឿង ហើយ នេះបើយោងតាមទិន្នន័យថ្មីដែលក្រុមហ៊ុនជប៉ុនបង្ហើបប្រាប់ក្នុងអំឡុងពេលប្រកាសរបាយការណ៍ចំណូលនាពេលកន្លងទៅ។
នៅត្រីមាសចុងក្រោយគិតបញ្ចប់ត្រឹមថ្ងៃទី ៣០ មិថុនា Sony លក់ចេញ PS4 បាន ៣,២ លានគ្រឿង បូកបន្ថែមនឹងតួលេខចាស់ប្រកាសកាលពីត្រីមាសមុនដែលមានដល់ ៩៦,៨ លានគ្រឿង សរុបស្មើនឹង ១០០ លានគ្រឿង។
យោងតាមអ្នកវិភាគជាន់ខ្ពស់នៅ Niko Partners លោក Daniel Ahmad បានបង្ហាញថាការលក់ចេញ PlayStation 4 ប្រើពេលត្រឹម ៥ ឆ្នាំនិង ៧ ខែដើម្បីហក់ដល់ចំណុច ១០០ លានគ្រឿង ស្របពេល PlayStation 2 ប្រើពេល ៥ ឆ្នាំនិង ៩ ខែ ដោយនេះថែមទាំងលឿនជាងការលក់ឧបករណ៍ Wii របស់ Nintendo ថែមទៀត។
បញ្ជាក់ថាក្រុមហ៊ុន Sony ត្រូវបានគេរំពឹងថានឹងចេញផ្សាយម៉ាស៊ីនហ្គេមជំនាន់ថ្មី PS5 នៅឆ្នាំ ២០២០ ខាងមុខ ដោយក្រុមហ៊ុនបញ្ជាក់រួចជាស្រេចថានឹងមានការគាំទ្រដល់កម្រិតបង្ហាញ 8K ប្រព័ន្ធសំឡេង 3D Audio និងមុខងារគាំទ្រការប្រើប្រាស់ឌីសហ្គេមជំនាន់ចាស់ជាដើម។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: