- 2019-07-24 03:12:42
- ព័ត៌មាន
iPhone ថ្មីរៀបនឹងចេញ Apple បញ្ចេញមុខងារថ្មី ប្ដូរទូរសព្ទកាន់តែស្រួលជាងមុន
- 2019-07-24 03:12:42
- ចំនួនមតិ 0 | ចំនួនចែករំលែក 0
iPhone ថ្មីរៀបនឹងចេញ Apple បញ្ចេញមុខងារថ្មី ប្ដូរទូរសព្ទកាន់តែស្រួលជាងមុន
ចន្លោះមិនឃើញ
Apple បានបញ្ចេញកំណែទម្រង់ iOS 12.4 កាលពីម្សិលមិញនេះ ដោយមានបន្ថែមជម្រើសថ្មី សម្រាប់ការផ្ទេរទិន្នន័យពីឧបករណ៍ចាស់ ទៅកាន់ឧបករណ៍ថ្មីកាន់តែងាយស្រួលជាងមុន។
ជម្រើសថ្មីនេះ គឺអ្នកអាចផ្ទេរទិន្នន័យពីឧបករណ៍ចាស់ ទៅឧបករណ៍ថ្មី បានដោយប្រើប្រាស់ Wi-Fi មិនត្រូវការ iCloud ឬធ្វើ Backup តាមរយៈ iTunes ដូចមុននោះទេ។ ក្រៅពីអាចផ្ទេរដោយប្រើ Wi-Fi អ្នកក៏អាចប្រើប្រាស់ខ្សែ USB3 Camera Adaptor និងខ្សែ Lightning បានផងដែរ។
រយៈពេលនៃការផ្ទេរតាមរយៈ Wi-Fi គឺលឿន ឬ យូរអាស្រ័យលើទំហំទិន្នន័យដែលត្រូវផ្ទេរ និងល្បឿននៃអ៊ីនធឺណិតរបស់ Wi-Fi ផងដែរ ព្រោះត្រូវដំឡើងឡើងវិញនូវកម្មវិធីចាស់ៗរបស់អ្នក លើ iPhone ថ្មី។
ការបន្ថែមនូវមុខងារថ្មីស្របពេលនឹង iPhone ស៊េរីឆ្នាំ ២០១៩ ជិតប្រកាសចេញ ដែលគេរំពឹងថា Apple នឹងបញ្ចេញវាដល់ពិភពលោកនៅខែកញ្ញាខាងមុខនេះ៕
ចុចអាន៖
