- 2019-07-24 01:23:56
- ព័ត៌មាន
TikTok កើបចំណូលបានជាង ១០ លានដុល្លារពីអ្នកប្រើនៅខែមិថុនា
- 2019-07-24 01:23:56
- ចំនួនមតិ 0 | ចំនួនចែករំលែក 0
TikTok កើបចំណូលបានជាង ១០ លានដុល្លារពីអ្នកប្រើនៅខែមិថុនា
ចន្លោះមិនឃើញ
កម្មវិធីចែកចាយវីដេអូកម្សាន្ត TikTok បានបន្តពាំនាំនូវភាពជោគជ័យ ដោយរបាយការណ៍ចំណូលនៅខែមិថុនាលោតដល់តួលេខ ១០,៨ លានដុល្លារអាមេរិកដែលកើនឡើងពី ១,៦ លានដុល្លារនៅថេរវេលាដដែលនាឆ្នាំ ២០១៨។ ជាតួលេខកើនឡើងប្រមាណ ៥៨៨ ភាគរយក្នុងរយៈពេលមួយឆ្នាំ នេះបើតាមទិន្នន័យចុះផ្សាយលើ Sensor Tower ។
អ្នកប្រើប្រាស់បានចាយលុយលើកម្មវិធីដែលអភិវឌ្ឍដោយក្រុមហ៊ុន ByteDance របស់ប្រទេសចិន អស់ ៩ លានដុល្លារនៅខែឧសភា ដោយធៀបខែមិថុនា ជាការកើនឡើង ១៩ ភាគរយ។ នៅប្រទេសឥណ្ឌាជាទីផ្សារពេញនិយមបំផុត ដោយរាប់តាំងពីខែមករា ចំណូលក៏មានការលោតផ្លោះដល់ទៅ ២៧១ ភាគរយឯណោះ។
ស្ថាបនិកនៃ Sensor Tower លោក Oliver Yeh បានសរសេរថា៖ "ចំណូល ៦៩ ភាគរយកាលពីខែមិថុនារបស់ TikTok ទទួលបានពីអ្នកប្រើប្រាស់ក្នុងប្រទេសចិន ដែលជាការកើនឡើង ៣០ ភាគរយធៀបនឹងឆ្នាំ ២០១៨"។
បញ្ជាក់ថាលើទីផ្សារសកល កម្មវិធីចែកចាយមាតិកាវីដេអូខ្លីៗមួយនេះ ប្រមូលបានការចុច Download សរុបប្រមាណ ១,២៧ ពាន់លានដងហើយ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
