- 2019-07-18 06:59:20
- ចំណេះដឹង
នេះដើមកំណើតវីដេអូខ្លី គេនិយមប្រើក្នុង Meme
- 2019-07-18 06:59:20
- ចំនួនមតិ 0 | ចំនួនចែករំលែក 0
នេះដើមកំណើតវីដេអូខ្លី គេនិយមប្រើក្នុង Meme
ចន្លោះមិនឃើញ
វីដេអូ Meme ល្បីៗនាពេលបច្ចុប្បន្ន ឃើញភាគច្រើនមានប្រើប្រាស់វីដេអូផ្ដល់ក្រេដីត ដែលចាប់ផ្ដើមដោយពាក្យថា "Directed by Robert B. Weide”។
ជាទូទៅវីដេអូ Meme បើកក្បាលដោយវីដេអូកំពុងល្បីមួយដែលបង្ហាញអំពីស្ថានភាពទើសទាល់ណាមួយ រួចហើយទើបលោតវីដេអូក្រេដីតនេះឡើង។ វីដេអូដែលមានបន្ថែមក្រេដីតបែបនេះ គេហៅថា "Curb Your Enthusiasm Theme Remixes” ដោយសារវីដេអូក្រេដីតនេះ ដកស្រង់ចេញពីចម្រៀងក្នុងរឿង ភាគកំប្លែងរបស់អាមេរិកចំណងជើងថា "Curb You Enthusiasm”។
រឿង "Curb You Enthusiasm” បានចាក់ផ្សាយកាលពីថ្ងៃទី ១៥ ខែតុលា ឆ្នាំ ២០០០។ នៅក្នុងភាគនីមួយៗ មានបញ្ចប់ដោយឈុតឆាកគួរឲ្យចាប់អារម្មណ៍មួយ រួចហើយទើបលោតចេញក្រេដីត ដែលមានប្រើបទភ្លេចចំណងជើងថា "Frolic” ច្រៀងដោយ Luciano Michelini។ ដូចមានបង្ហាញក្នុងវីដេអូខាងក្រោមនេះ ៖
ការបង្កើតជា Remix លើកដំបូង ត្រូវបានបង្ហោះលើ YouTube ដោយ YouTuber ឈ្មោះ Nikolaj Christensen កាលពីថ្ងៃទី ១៦ តុលា ឆ្នាំ ២០១១ ដែលគេបានបង្ហោះឈុតឆាកចុងក្រោយនៃខ្សែភាពយន្ត The Mist។ វីដេអូនេះបានប្ដូរសំឡេងក្នុងរឿង The Mist ជាមួយសំឡេងនៃបទភ្លេចចំណងជើងថា "Frolic”។
រយៈពេលប៉ុន្មានឆ្នាំក្រោយមកបទភ្លេងនេះបានល្បីឡើយ។ ដោយកាលពីថ្ងៃទី ៨ វិច្ឆិកា ២០១៥ គណនី Twitter ឈ្មោះ @seinfeld2000 បាន Tweet វីដេអូឃ្លីបមួយពីកម្មវិធី Saturday Night Live ដែលលោក ដូណាល់ ត្រាំ ជាអ្នកសម្របសម្រួលកម្មវិធី។ Larry David (តួអង្គក្នុងរឿងភាគកំប្លែង) ជាភ្ញៀវកិត្តិយសក្នុងវគ្គនេះ ហើយ @seinfeld2000 បានកែសម្រួលវីដេអូដោយបន្ថែមផ្នែកចុងបញ្ចប់នៃរឿង "Curb You Enthusiasm” និងបាន Zoom ចូលមុខរបស់ David។
what if curb your enthusiasm still on tv? pic.twitter.com/ii6S9kIMug
— Seinfeld Current Day (@Seinfeld2000) November 8, 2015
ក្រោយមកទៀតនៅថ្ងៃ ២១ ធ្នូ ឆ្នាំ ២០១៥ YouTuber ឈ្មោះ Jake Rasmussen បានបង្ហោះវីដេអូឃ្លីបនៃកំហុសបច្ចេកទេសរបស់ Steve Harvey ពេលប្រកាសអ្នកឈ្នះក្នុងកម្មវិធី Miss Universe 2015 ដោយមាន Remix ជាមួយ "Curb You Enthusiasm”។ ៤ ឆ្នាំមកនេះ វីដេអូទទួលបានការចុចមើលជិត ១ លានដង។
វីដេអូប្រភេទ "Curb Your Enthusiasm Theme Remixes” ក៏បានលេចចេញជាហូរហែចាប់ពីពេលនោះមក ហើយគណនី Twitter ឈ្មោះ @seinfeld2000 ដែលនាំអាទិបង្កើតវីដេអូនេះ ត្រូវបានកាសែត The New York Times ជួបសម្ភាសន៍ជាមួយទៀតផង៕ ចុចអាន៖
