- 2019-07-17 07:17:02
- ព័ត៌មាន
Mercedes-Benz គ្រោងឈប់ផលិតឡានភីកអាប់ X-Class
- 2019-07-17 07:17:02
- ចំនួនមតិ 0 | ចំនួនចែករំលែក 0
Mercedes-Benz គ្រោងឈប់ផលិតឡានភីកអាប់ X-Class
ចន្លោះមិនឃើញ
Daimler ដែលជាក្រុមហ៊ុនមេរបស់ Mercedes-Benz គ្រោងនឹងបញ្ឈប់ការផលិត និងលក់រថយន្តភីកអាប់ដំបូងរបស់ខ្លួន ម៉ូដែល X-Class។ វិបសាយអាល្លឺម៉ង់ Automobilwoche ចុះផ្សាយថា X-Class នឹងត្រូវលះបង់ចោល ដោយសារ Daimler ចង់កាត់បន្ថយការចំណាយ ដោយសារការថយចុះនៃប្រាក់ចំណេញ។
ប្រសិនបើជាការពិត វាជាការបង្ហាញថា Mercedes-Benz ទទួលស្គាល់ថាដើរផ្លូវខុស ដែលសម្រេចចូលប្រឡូកផ្នែករថយន្តភីកអាប់នេះ។ កាលពីឆ្នាំមុន ក្រុមហ៊ុនផលិតរថយន្តប្រណីតនេះអាចលក់រថយន្ត X-Class បានចំនួន ១៦ ៧០០ គ្រឿងប៉ុណ្ណោះ នៅអឺរ៉ុប អូស្ត្រាលី និងអាហ្វ្រិកខាងត្បូង ស្របពេលដែលចេញលក់បាន ២ ឆ្នាំទៅហើយនោះ។
ហេតុផលចម្បងដែលអាចជាបញ្ហាសម្រាប់ X-Class នោះគឺដោយសារវាមានតម្លៃខ្ពស់ ដែលអតិថិជនមួយចំនួនយល់ថាមិនសមរម្យ ព្រោះតែជាផលិតឡើងផ្អែកតាមរូបរាងរបស់ Nissan Navara ដោយប្រើមុខមាត់ Mercedes-Benz និងបន្ថែមប្រណីតភាពផ្នែកខាងក្នុងបន្តិចបន្តួច។
នៅអាល្លឺម៉ង់ X-Class មានតម្លៃចាប់ពី ៣៧ ០០០ អឺរ៉ូ (ប្រមាណ ៤១ ៥០០ ដុល្លារ) ហើយម៉ូដែល V6 ប្រើប៉ុងពីរមានតម្លៃ ៥៩ ០០០ អឺរ៉ូ (ប្រមាណ ៦៦ ១០០ ដុល្លារ)៕
ចុចអាន៖
