- 2019-07-06 01:00:00
- ព័ត៌មាន
ម្ចាស់ហាងទូរសព្ទមួយនៅម្ដុំផ្សារដេប៉ូ បង្ហើបពីការចំណាយមុនបើករបរលក់ទូរសព្ទ
- 2019-07-06 01:00:00
- ចំនួនមតិ 0 | ចំនួនចែករំលែក 0
ម្ចាស់ហាងទូរសព្ទមួយនៅម្ដុំផ្សារដេប៉ូ បង្ហើបពីការចំណាយមុនបើករបរលក់ទូរសព្ទ
ចន្លោះមិនឃើញ
របរលក់ទូរសព្ទបានរីកស្គុសស្គាយតាំងពីទីក្រុងដល់ជនបទ។ នៅតាមផ្ទះ ទីប្រជុំជន មានហាងលក់ទូរសព្ទទាំងតូចទាំងធំបើកលក់ដេញជើងគ្នា។ អ្នកប្រកបរបរអាជីវកម្មនេះមួយចំនួន មិនមានទីតាំងផ្ទាល់ខ្លួនឡើយ ដោយត្រូវជួលតូប ឬផ្ទះគេដើម្បីបើករកស៊ី។
អាជីវករលក់ទូរសព្ទដៃមួយរូបនៅម្ដុំផ្សារដេប៉ូ សុំមិនបញ្ចេញឈ្មោះប្រាប់ Sabay ថា ដោយមិនគិតបញ្ចូលលើថ្លៃបុគ្គលិក ថ្លៃទឹក និងភ្លើងឡើយ ក្នុងមួយខែលោកត្រូវចំណាយជាប្រចាំលើថ្លៃឈ្នួលផ្ទះអស់ជាង ១ ០០០ ដុល្លារ (តម្លៃលើស ឬទាប់ជាងនេះអាស្រ័យលើទីតាំង និងទំហំផ្ទះ)។
តាមអាជីវកររូបនេះប្រាប់ថា លោកបានចំណាយទុនដំបូងជាងពីរម៉ឺនដុល្លារ ដើម្បីបើកហាងលក់ទូរសព្ទ រួមទាំងបម្រុងលុយមួយចំនួនទៀត សម្រាប់ប្រើប្រាស់នៅពេលចាំបាច។
ងាកមើលស្ថានភាពលក់ដូរ លោកប្រាប់ថា មិនសូវទៀងទេ តាមរដូវកាល។ ចំរដូវកាលបុណ្យទានធំៗ ឬចំពេលរដូវស្មាតហ្វូនពេញនិយមចេញមានអ្នកទិញច្រើន អាចរកចំណេញបានគួរសម តែខុសពីរដូវបុណ្យទានឬកម្មវិធីធំៗ បានត្រឹមតែមួយរួចខ្លួនទប់ទល់ការចំណាយ ហើយពេលខ្លះអាចខាតដើមទៀតផង។
លោកបន្តថាក្រៅពីលក់ទូរសព្ទនេះក៏ត្រូវមានជំនាញ់ជួសជុលដែរព្រោះអាចរកចំណូលបន្ថែមនៅពេលទូរសប្ទអតិថិជនមានបញ្ហា។ លោកមើលឃើញពីស្ថានភាពទីផ្សារលក់ដូរប៉ុន្មានឆ្នាំចុងក្រោយ ហាក់មិនលូតទៅមុខសោះ ហើយការប្រកួតប្រជែងក៏ដេញជើងគ្នាទៀត ព្រោះមានហាងបើកប្រកបរបរនេះច្រើនឡើងៗ។
ដើម្បីរកប្រាក់ចំណូលបន្ថែម ក្រៅពីលក់ទូរសព្ទមួយមុខ លោកក៏ត្រូវទទួលយកគ្រឿង Accessories ផ្សេងៗដើម្បីយកមកលក់ផ្សែផ្សំគ្នាដើម្បីទប់ទល់ការចាំណាយ៕