Samsung នឹងដាក់កំហិតធ្ងន់ៗ បើ Apple កុម្ម៉ង់ឥវ៉ាន់ហើយមិនយក

2019-06-22 04:25:42
ព័ត៌មាន

2019-06-22 04:25:42
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដែលតាមដានព័ត៌មានបច្ចេកវិទ្យាថ្មីៗ ច្បាស់ជាដឹងហើយថា ក្រៅពីផលិតស្មាតហ្វូនប្រជែងលើទីផ្សារ ក្រុមហ៊ុន Samsung ក៏ជាអ្នកផ្គត់ផ្គង់អេក្រង់ OLED Display ធំបំផុតមួយនៅលើពិភពលោក សូម្បីតែក្រុមហ៊ុន Apple ក៏បញ្ជាទិញយកទៅបំពាក់លើស្មាតហ្វូនរបស់ខ្លួនយ៉ាងសន្ធឹកដែរ(កម្ម៉ង់ឲ្យSamsung ផលិតជាង ៥០ លានបន្ទះក្នុងឆ្នាំ ២០១៧ សម្រាប់បំពាក់លើ iPhone X និងលើស ២០០ លានបន្ទះក្នុងឆ្នាំ ២០១៨ សម្រាប់ស្មាតហ្វូន iPhone XS Max)។

អេក្រង់ OLED លើ iPhone X

ដោយហេតុនេះហើយ ថ្មីៗនេះស្រាប់តែមានរបាយការណ៍ចេញពីសារព័ត៌មានកូរ៉េខាងត្បូងដោយសារការលក់ iPhone ធ្លាក់ចុះ ស្រាប់តែ Apple បន្ថយចំនួនការកម្ម៉ង់នោះវិញ(ដោយយកត្រឹមតែចំនួនបន្តិចប៉ុណ្ណោះ) ខណៈដែលអេក្រង់ជាង ២០០ លានបន្ទះរបស់ Samsung បានផលិតរួចហើយ។

ជាពិសេសកញ្ចប់ទឹកប្រាក់ជាង ១ ប៊ីលានលើការបង្កើតរោងចក្រមួយទៀតនៅចិនសម្រាប់បំពាក់លើស្មាតហ្វូនក៏ដូចជាគ្រឿងអេឡិចត្រូនិចរបស់ខ្លួនផង និងចែកចាយឲ្យ Apple ផងនោះគឺ super OLED factory ក៏ Samsung បានសម្រេចរួចហើយដែរ។

រោងចក្រធំបំផុតរបស់ Samsung នៅកូរ៉េ OLED Universal Display Corp

ប្រការនេះហើយធ្វើឲ្យការសហការ ហាក់ស្ថិតក្នុងដំណាក់កាលប្រទាញប្រទង់គ្នា។ ដោយភាគីខាង Samsung ចង់ឲ្យ Apple ដែលជាអតិថិជននោះ ត្រូវបង់ប្រាក់បន្ថែម(ផាកពិន័យ) លើករណីដែលបន្ថយចំនួនបែបនេះ(បើកម្ម៉ង់ច្រើនហើយយកតិចវិញ ធ្វើឲ្យ Samsung ជាអ្នកខាតបង់)។