iPhone ឆ្នាំ ២០២០ អាចនឹងបំពាក់កាមេរ៉ា 3D ផលិតនៅអ៊ីស្រាអែល

2019-06-22 04:29:45
ព័ត៌មាន

2019-06-22 04:29:45
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple កំពុងរៀបចំគម្រោងបំពាក់កាមេរ៉ា 3D ទៅកាន់ទូរសព្ទនៅដើមឆ្នាំក្រោយ។ នេះនឹងផ្តល់លទ្ធភាពឲ្យកាមេរ៉ាស្កេនទិដ្ឋភាពជុំវិញ ដែលអាចប្រើទូរសព្ទសម្រាប់គោលដៅ AR (Augmented Reality)។

ឆ្នាំ ២០១៧ ក្រុមហ៊ុនបច្ចេកវិទ្យាធំនេះបានទិញយកក្រុមហ៊ុន RealFace របស់អ៊ីស្រាអែល ដែលផ្តល់នូវបច្ចេកវិទ្យាអាចប្រើផ្ទៃមុខដោះសោចូលប្រើទូរសព្ទ ត្រឹមក្រឡេកមើលអេក្រង់។ ការធ្វើបែបនេះបាន ដោយប្រើកាមេរ៉ាមុខ 3D មានសមត្ថភាពតិច អាចសម្គាល់ធាតុនៅខាងមុខបាន ១ ឬ ២ ហ្វីតប៉ុណ្ណោះ។

ឡេនថ្មីឆ្នាំ ២០២០ អាចនឹងបំពាក់នៅខ្នងទូរសព្ទ អាចសម្គាល់ធាតុខាងមុខបានដល់ទៅ ១៥ ហ្វីត។ ការរចនាកាមេរ៉ានេះ អាចស្កេនទិដ្ឋភាពបង្កើតជាទម្រង់បីវិមាត្រនៃទិដ្ឋភាពពិតប្រាកដ។

សូមទស្សនាវីដេអូខាងក្រោម៖

Apple មានវិស្វករចំនួន ១ ០០០នាក់ក្នុងប្រទេសអ៊ីស្រាអែល កំពុងធ្វើការលើបច្ចេកវិទ្យា AR (Augmented Reality)។មជ្ឈមណ្ឌលស្រាវជ្រាវ និងអភិវឌ្ឍន៍ចំនួនបីរបស់ Apple ក្នុងប្រទេសអ៊ីស្រាអែល បន្តពង្រីកទំហំការងារ ដោយមានប្រកាសជ្រើសរើសបុគ្គលិកបន្ថែម ១៥៤ មុខតំណែង។

Apple មានទម្លាប់មួយពេលចេញម៉ូដែលទូរសព្ទថ្មី ដោយមានការផ្លាស់ប្ដូរតិចតួចបង្កើនសមត្ថភាពនៅឆ្នាំជាលេខសេស។ យុទ្ធសាស្ត្រនេះហៅថា tick-tock ដោយឆ្នាំ ២០១៨ ជា tick និងឆ្នាំ ២០១៩ ជា tock។ ឆ្នាំ ២០២០ ជា tick ដូចនេះនឹងមានការកែប្រែធំ ហើយកាមេរ៉ា AR អាចនឹងមាន។

អំឡុងពេលទស្សនកិច្ចមួយនៅអ៊ីស្រាអែល លោក Tim Cook លើកឡើងថា Apple ស្ថិតនៅក្នុងប្រទេសអ៊ីស្រាអែលដោយសារវិស្វករមានទេពកោសល្យ និងមនុស្សមានភាពច្នៃប្រឌិត៕

សូមទស្សនាវីដេអូខាងក្រោម៖