- 2019-06-12 06:31:24
- ព័ត៌មាន
ម្ដងនេះ Facebook ហ៊ានឲ្យលុយ អ្នកដែលព្រមលក់ភាពឯកជន
- 2019-06-12 06:31:24
- ចំនួនមតិ 0 | ចំនួនចែករំលែក 0
ម្ដងនេះ Facebook ហ៊ានឲ្យលុយ អ្នកដែលព្រមលក់ភាពឯកជន
ចន្លោះមិនឃើញ
Facebook បានប្រកាសចេញជាផ្លូវការនូវកម្មវិធី Study from Facebook ដែលមានសម្រាប់តែឧបករណ៍ Android ហើយវាបង្កើតឡើងក្នុងគោលបំណងប្រមូលទិន្នន័យពីអ្នកប្រើ ដោយដោះដូរជាមួយទឹកលុយ។
កម្មវិធី Study នេះនឹងព្រមានអ្នកប្រើថា Facebook នឹងដឹងថាកម្មវិធីអ្វីខ្លះត្រូវដំឡើងលើទូរសព្ទរបស់ពួកគេ, ពួកគេប្រើកម្មវិធីទាំងនោះរយៈពេលប៉ុន្មាន និងឈ្មោះមុខងារដែលប្រើក្នុងកម្មវិធីទាំងនោះ។ Facebook ក៏អាចដឹងពីប្រទេសរបស់អ្នកប្រើ, ដឹងពីឧបករណ៍ដែលប្រើកម្មវិធី Study និងប្រភេទ Network ដែលពួកគេប្រើប្រាស់។
Facebook មានគម្រោងថានឹងស្វែងរកយុវវ័យវ័យចាប់ពី ១៨ ឆ្នាំ នៅសហរដ្ឋអាមេរិក និងឥណ្ឌា ឲ្យប្រើប្រាស់កម្មវិធីនេះ តាមរយៈផ្ទាំងពាណិជ្ជកម្ម។ Facebook នឹងបង្ហាញផ្ទាំងពាណិជ្ជកម្មលើកម្មវិធីរបស់ខ្លួន នឹងផ្សាយដល់អ្នកដែលមិនប្រើ Facebook ផងដែរ។ នៅថ្ងៃខាងមុខ Facebook នឹងស្វែងរកអ្នកប្រើនៅក្នុងប្រទេសដទៃទៀតផងដែរ។
នៅពេលចុចលើផ្ទាំងពាណិជ្ជកម្មនៃកម្មវិធី Study នេះ វានឹងនាំទៅកាន់វិបសាយ Applause ដែលជាវិបសាយរបស់ដៃគូស្រាវជ្រាវរបស់ Facebook សម្រាប់កម្មវិធី Study នេះ។ នៅត្រង់នេះ Facebook នឹងប្រាប់ដំណឹងមួយចំនួនដូចជា ទិន្នន័យដែល Facebook ប្រមូលយក, កម្រៃដែលទទួលបាន និងវិធីចាកចេញពីកម្មវិធីជាដើម។
អ្នកដែលមានឱកាសឃើញផ្ទាំងពាណិជ្ជកម្ម ហើយព្រមចូលប្រើកម្មវិធីនេះ Facebook នឹងតបស្នងវិញដោយទឹកលុយ ប៉ុន្តែ Facebook មិនបានប្រាប់ថាបេក្ខភាពដែលចូលរួមនឹងទទួលបានទឹកប្រាក់ប៉ុន្មាននោះទេ។
Facebook បានបញ្ជាក់ថានឹងមិនយកទិន្នន័យអំពីលេខ ID, លេខសម្ងាត់ ឬ មាតិកាដែលអ្នកប្រើចែករំលែកជាមួយអ្នកដទៃនោះទេ។ Facebook ក៏មិនលក់ទិន្នន័យដែលប្រមូលបានដល់ភាគីទីបីនោះដែរ៕
ចុចអាន៖