- 2019-06-07 04:39:52
- ព័ត៌មាន
Asus ចាប់ដៃជាមួយ Tencent ត្រៀមប្រកាស ROG Phone 2 នាខែកក្កដា
- 2019-06-07 04:39:52
- ចំនួនមតិ 0 | ចំនួនចែករំលែក 0
Asus ចាប់ដៃជាមួយ Tencent ត្រៀមប្រកាស ROG Phone 2 នាខែកក្កដា
ចន្លោះមិនឃើញ
តាមរយៈការបង្ហោះផ្សាយលើបណ្តាញសង្កម Weibo បានបង្ហើបថាក្រុមហ៊ុន Asus មានផែនការណ៍នឹងប្រកាសបង្ហាញនូវ Gaming Smartphone ជំនាន់ក្រោយ ROG Phone 2 នាអំឡុងខែកក្កដាខាងមុខ។
សម្រាប់សេរ៊ីឆ្នាំ ២០១៩ នេះ រំពឹងនឹងមានការផ្លាស់ប្តូរច្រើន ព្រោះក្រុមហ៊ុន Asus ទើបតែចាប់ដៃសហការជាមួយក្រុមហ៊ុន Tencent ដែលជាអ្នកបង្កើតហ្គេម PUBG ដូច្នោះហើយទំនងជានឹងពង្រឹងបានប្រសើរជាងមុនថែមទៀតលើបទពិសោធន៍ថ្មីនៃការលេងហ្គេមសម្រាប់អតិថិជន។
ជុំវិញលក្ខណៈសម្បត្តិម៉ាស៊ីនមិនទាន់ត្រូវបានបង្ហើបនៅឡើយ ប៉ុន្តែតាមការព្យាករណ៍ ROG Phone 2 អាចនឹងមកជាមួយបន្ទះឈីប Qualcomm Snapdragon 855 ដោយមាន RAM ទំហំ 10/12GB អមអង្គចងចាំ 512GB បន្សំការពង្រឹងបន្ថែមនូវប្រព័ន្ធ Cooling System និងថាមពលថ្មផងដែរ។
បញ្ជាក់ថា ASUS ROG ជំនាន់ដំបូង ចេញផ្សាយនៅព្រឹត្តិការណ៍ Computex នាខែមិថុនា ឆ្នាំ ២០១៨ មានតម្លៃ ៨៩៩ ដុល្លារ និងដាក់លក់នៅទីផ្សារឥណ្ឌាក្នុងតម្លៃ ៩៩៩ ដុល្លារ។ ដោយឡែកសម្រាប់ ROG Phone 2 ក៏រំពឹងនឹងមានតម្លៃប្រហាក់ប្រហែលនេះដូចគ្នា៕
អានអត្ថបទ:
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: