​ដូច​ដែល​ប្រិយមិត្ត​បាន​ដឹង​ហើយ​ថា​ ​Microsoft ​ជា​ក្រុមហ៊ុន​ផ្គត់​ផ្គង់​ប្រព័ន្ធ​ប្រតិបត្តិការ​ធំ​ជាង​គេ​បំផុត​ក្នុង​ពិភពលោក​ ប៉ុន្តែ​ទោះ​ជា​យ៉ាង​ណា​ នៅ​មាន​រឿង​មួយ​ចំនួន​ទៀត ដែល​មិន​​មាន​អ្នក​​ដឹង​ច្រើន​ឡើយ ​ដូច​ជា​រឿង​ទាក់ទង​នឹង​ក្រុមហ៊ុន Apple ជា​ដើម។ ថ្ងៃនេះ Sabay សូម​បង្ហាញ​ ធាតុ​ពិត​មួយ​ចំនួន​របស់ Microsoft ដែល​មាន​ដូច​ខាង​ក្រោម៖​

• Microsoft និង Apple បាន​រួម​សហការ​គ្នា​ ​ដើម្បី​បង្កើត​កម្មវិធី​ដំបូង​សម្រាប់​ប្រើប្រាស់​លើ​ប្រព័ន្ធ​ ប្រតិបត្តិការ​ Macintosh​។​  

• ​ឆ្នាំ​ ១៩៩៧ Microsoft បាន​វិនិយោគ​ ១៥០លានដុល្លា​ ​ដល់ Apple ក្រោយ​ពី​ក្រុមហ៊ុន​នេះ​ប្រកាស​រៀប​នឹង​ក្ស័យធន​។ ដោយបញ្ហានេះ​ត្រូវបានមហាជនជាច្រើនបានសើច​ចំអកឲ្យ Apple ផងដែរ។  

• សហ​ស្ថាបនិក​នៃ​ ​Microsoft ​ចំណាយ​ពេល​មិន​ដល់​មួយ​ថ្ងៃ​ទេ​ក្នុង​ការ​បង្កើត​ logo Microsoft ​ឆ្នាំ​ ១៩៨២​ ហើយ​អក្សរ​ O នៅ​កណ្ដាល​នោះ​គឺ​គេ​ហៅ​ថា​ blibbet ។  

• ក្នុង​ឆ្នាំ​ ១៩៩៤ Microsoft រួម​សហការ​គ្នា​ជា​មួយ​ Timex ក្នុង​ការ​បង្កើត​ Smart Watch ដែល​វា​មាន​ម៉ូដែល​ Datalink 150។ ដោយ Smart Watch ប្រភេទ​នោះ​អាច​ទាញ​យក​ទិន្នន័យ​ពី​កុំព្យូទ័រ​បាន​។​  

• Microsoft កាន់​កាប់​ប៉ាតង់​ប្រមាណ ៤៨៣១៣ ប្រភេទ​ ហើយ​ផលិត​ផល​ដែល​ចុះ​ប៉ាតង់​ទាំង​នោះ​ខ្លះ​មិន​ទាន់​មាន​វត្តមាន​លើ​ទីផ្សារ​នៅ​ឡើយ​ទេ៕