- 2019-06-05 03:06:58
- ព័ត៌មាន
ទូរសព្ទចិនតម្លៃធូរ វាយផ្ដាច់តំណែងកំពូលល្បឿនទាំង ៥ លើ AnTuTu
- 2019-06-05 03:06:58
- ចំនួនមតិ 0 | ចំនួនចែករំលែក 0
ទូរសព្ទចិនតម្លៃធូរ វាយផ្ដាច់តំណែងកំពូលល្បឿនទាំង ៥ លើ AnTuTu
ចន្លោះមិនឃើញ
កម្មវិធីវាស់ល្បឿនដំណើរការស្មាតហ្វូន AnTuTu បានបញ្ចេញបញ្ជីថ្មីប្រចាំខែឧសភា ដែលបង្ហាញអំពីស្មាតហ្វូន Android ចំនួន ១០ មានដំណើរការល្អលើសគេ លើផ្នែកល្បឿន និងផ្នែកក្រាហ្វិកជាដើម។
បញ្ជីនេះត្រូវបានវាយផ្ដាច់ដោយស្មាតហ្វូនប្រើបន្ទះឈីប Snapdragon 855 ដោយស្មាតហ្វូន ZTE ពីរម៉ូដែលឈរលើតំណែងកំពូល ពោល ZTE nubia Red Magic 3 នៅតំណែងលេខមួយជាមួយពិន្ទុ ៣៨០៩២១។ ចំណែក ZTE Axon 10 Pro ឈរនៅលេខពីរជាមួយពិន្ទុសរុប ៣៧៦៩១៦។
លំដាប់លេខ ៣ ៤ និង ៥ បានលើស្មាតហ្វូន Xiaomi ទាំងបីម៉ូដែលគឺ Mi 9 Explorer, Black Shark 2 និង ម៉ូដែល Mi 9។ ចាប់អារម្មណ៍ឃើញថាតំណែងកំពូលទាំង ១០ នេះ មាន ៨ ម៉ូដែលជាស្មាតហ្វូនរបស់ក្រុមហ៊ុនចិន ហើយភាគច្រើនជាប្រភេទស្មាតហ្វូនមានតម្លៃធូរថ្លៃទៀតផង។
មើលលើបញ្ជីឧបករណ៍ iOS វិញ តំណែងកំពូលទាំង ៤ គ្រប់គ្រងដោយ iPad ស៊េរីខ្ពស់ទាំងបួន និងតាមពីក្រោយដោយ iPhone XS/XS Max ជាមួយ iPhone XR៕
