SONY ចេញវីដេអូថ្មីបង្អួតសមត្ថភាព Xperia 1 ពិសេសមិនចាញ់ម៉ាស៊ីនថតកុន

2019-05-31 02:04:41
ព័ត៌មាន

2019-05-31 02:04:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនម៉ូដែល Xperia 1 ស៊េរីចុងក្រោយរបស់ Sony បានចាប់ផ្ដើមចេញលក់ជាផ្លូវការហើយនៅលើទីផ្សារធំៗមួយចំនួនដូចជាសហរដ្ឋអាមេរិក និងតំបន់អឺរ៉ុបជាដើម។

ផលិតផលថ្មីនេះ Sony បានផ្ដោតសំខាន់លើសមត្ថភាពផលិតរូបភាពនៃកាមេរ៉ា ៣ គ្រាប់ខាងក្រោយ ដោយពេលនេះក្រុមហ៊ុនបានបញ្ចេញវីដេអូមួយចំនួនបង្ហាញអំពីចំណុចពិសេសនៃកាមេរ៉ារបស់ Xperia 1។

បង្ហាញគឺការអំពីមុខងារ Cinema Pro ដែលជួយឲ្យវីដេអូផលិតចេញមកមានរសជាតិបែប Cinematic ដូចភាពយន្តខ្លី និងកុនមួយចំនួន។ មុខងារនេះមាននូវ Preset ចំនួន ៨ ប្រភេទឲ្យអ្នកប្រើជ្រើសរើស និងអាចកំណត់ធាតុសំខាន់ៗបានច្រើនផងដែរ។

បន្ទាប់មកទៀតគឺជាវីដេអូបង្ហាញអំពីមុខងារ Optical Steady Shot ដែលវាប្រើប្រាស់នូវបច្ចេកវិទ្យារក្សាលំនឹង OIS និង EIS រួមជាមួយគ្នា ដើម្បីជួយកាត់បន្ថយរំញ័រពេលថតវីដេអូ។ ក្រុមហ៊ុនជាច្រើនទៀតបានប្រើប្រាស់វិធីសាស្ត្រនេះរួចមកហើយ ប៉ុន្តែ Sony អះអាងថាមុខងាររបស់ខ្លួនខ្លាំងស្ទើរតែដល់កម្រិតម៉ាស៊ីនកាមេរ៉ាទៅហើយ។

គួរដឹងថាកាមេរ៉ា ៣ គ្រាប់ខាងក្រោយរបស់ Xperia 1 មានកាមេរ៉ាមេកម្រិត ១២ MP ជាមួយ Aperture f/1.6 កាមេរ៉ាទីពីរប្រភេទ Zoom មានកម្រិត ១២ MP និងទីបីជាកាមេរ៉ា Ultra-Wide មានកម្រិត ១២ MP។ Xperia 1 ជាស្មាតហ្វូនដំបូងរបស់ Sony ដែលមានបញ្ចូលមុខងារ Eye AF ដែលបានប្រើលើកាមេរ៉ាត្រកូល Alpha របស់ក្រុមហ៊ុននាពេលកន្លងមក៕

ចុចអាន៖

ប្រភព៖ GSMarena ប្រែសម្រួល៖ សុខហេង