- 2019-05-29 06:05:03
- ផលិតផលថ្មី
Redmi K20 Pro ប្រើសុទ្ធតែឈីប SD855 កាមេរ៉ាក្រោយ ៣ គ្រាប់ តម្លៃមិនដល់ ៤០០ ដុល្លារ
- 2019-05-29 06:05:03
- ចំនួនមតិ 0 | ចំនួនចែករំលែក 0
Redmi K20 Pro ប្រើសុទ្ធតែឈីប SD855 កាមេរ៉ាក្រោយ ៣ គ្រាប់ តម្លៃមិនដល់ ៤០០ ដុល្លារ
ចន្លោះមិនឃើញ
ក្រុមហ៊ុនប្រទេសចិន Xiaomi ទើបតែចេញផ្សាយនូវស្មាតហ្វូនធុនខ្ពស់របស់ខ្លួនគឺម៉ូឌែល Redmi K20 Pro។ ជាស្មាតហ្វូនធូរថ្លៃ តែបំពាក់ដោយលក្ខណៈសម្បត្តិម៉ាស៊ីនកប់មិនចាញ់បណ្តាស្មាតហ្វូនខ្ទង់ ៥០០ ដុល្លារ។
K20 Pro នៃត្រកូល Redmi មានរូបរាងស្រដៀងនឹង Vivo Nex S ដោយប្រើប្រាស់រចនាបថកាមេរ៉ាផុសផ្នែកខាងលើ ក្នុងការសន្សំផ្ទៃអេក្រង់ពេញឲ្យមើលឃើញទូលាយជាងមុន។ ប្រើប្រាស់អេក្រង់ AMOLED ទំហំ ៦,៣៩ អ៊ីញ កម្រិត Full HD ដែលមានផ្ទៃពេញលាតសន្ធឹងប្រមាណ ៩១,៩ ភាគរយ។
ផ្នែកកាមេរ៉ាមុខអាចថត Selfie នៅកម្រិត 20MP ដែលមានល្បឿនហូតចេញត្រឹម ០,៨ វិនាទី និងគាំទ្រសំឡេងហូត ៦ ប្រភេទប្លែកខុសពីគ្នា។ ខណៈខាងក្រោយ ៣ គ្រាប់ទំហំ 48MP ជាឡេនមេប្រើប្រាស់ Sensor SONY IMX586 និងគ្រាប់ទីពីរ 8MP ប្រភេទ Telephoto ខណៈឡេនចុងក្រោយ 13MP ប្រភេទ Wide-Angle។
បំពាក់នូវបន្ទះឈីបធុនក្រោយ Snapdragon 855 របស់ក្រុមហ៊ុន Qualcomm ដោយប្រើប្រាស់ RAM 6/8GB អមអង្គចងចាំបីជម្រើស 64/128/256GB។ ថាមពលថ្មធំ ៤ ០០០mAh គាំទ្រមុខងារសាកថ្មរហ័សកម្លាំអ ២៧ វ៉ាត់ ដែលសាកពេញចាយពេល ៨០ នាទី។
ចំពោះតម្លៃ Redmi K20 Pro ថ្លៃ ៣៦០ ដុល្លារ សម្រាប់ជម្រើស 6GB/64GB ស្របពេលធុនខ្ពស់បំផុត 8GB/256GB ថ្លៃ ៤៣០ ដុល្លារ តែប៉ុណ្ណោះ។ មានដាក់លក់លើទីផ្សារប្រទេសចិន ចាប់ពីថ្ងៃទី ១ មិថុនា ដោយមានជម្រើស ៣ ពណ៌រួមមានក្រហម បៃតងនិងកាបូន។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: