- 2019-05-27 03:47:57
- ចំណេះដឹង
កម្មវិធីពិសេសមួយចំនួនមានតែបុគ្គលិក Apple ប៉ុណ្ណោះដែលអាចប្រើបាន
- 2019-05-27 03:47:57
- ចំនួនមតិ 0 | ចំនួនចែករំលែក 0
កម្មវិធីពិសេសមួយចំនួនមានតែបុគ្គលិក Apple ប៉ុណ្ណោះដែលអាចប្រើបាន
ចន្លោះមិនឃើញ
Apple ជាក្រុមហ៊ុនមួយដែលរក្សាការសម្ងាត់បានល្អបំផុត ដោយផលិតផលថ្មីៗត្រូវបានផលិតក្នុងបន្ទប់សម្ងាត់មួយ មានតែបុគ្គលិកប៉ុន្មាននាក់តែប៉ុណ្ណោះដែលមានសិទ្ធិចូល។ សំណាងល្អដែលមានផលិតផលសម្រាប់ធ្វើតេស្តខ្លះត្រូវបានដឹកជញ្ជូនទៅឲ្យអតិថិជន ដូចនេះទើបគេបានដឹងពីកម្មវិធីសម្ងាត់មួយចំនួនដោយចៃដន្យ ដែលគេប្រើសម្រាប់តេស្តទូរសព្ទ។
ខាងក្រោមនេះគឺជាកម្មវិធីមួយចំនួនមានតែបុគ្គលិក Apple ប៉ុណ្ណោះដែលអាចប្រើបាន៖
វាជាសេវាកម្មសុវត្ថិភាពមួយដែលអនុញ្ញាតឲ្យបុគ្គលិករបស់ Apple ធ្វើការចូលទៅកាន់កម្មវិធីនិងសេវាកម្មផ្សេងទៀតបាន។ អ្វីដែលគួរឲ្យចាប់អារម្មណ៍នោះគឺ គេបានប្រើប្រាស់ប្រព័ន្ធ Pattern ដែលមានលក្ខណៈដូចគ្នាទៅនឹងការដោះសោរបស់ទូរសព្ទ Android ដែរ។
វិបសាយ 9to5Mac បានប្រទះឃើញកម្មវិធីមួយនេះកាលពីឆ្នាំ២០១១។ វាជាកម្មវិធីមួយដែលអាចឲ្យបុគ្គលិកលក់របស់ Apple ដឹងពីអ្វីដែលកំពុងកើតឡើងក្នុងក្រុមហ៊ុន។
GK Tank គឺជាកម្មវិធីមួយដែលផលិតឡើងសម្រាប់ក្រុមអ្នកបង្កើតកម្មវិធីដើម្បីធ្វើតេស្តមុខងារ Game Kit។
បុគ្គលិក Apple ដំឡើងកម្មវិធីមួយនេះដើម្បីត្រួតពិនិត្យមើលនូវ Software និង Hardware របស់ទូរសព្ទ ហើយវានឹងបិទទូរសព្ទដោយខ្លួនឯង ប្រសិនបើកម្ដៅទូរសព្ទកើនឡើងដល់ចំណុចកំណត់ណាមួយ។
- iPlano៖
iPlano គឺជាកម្មវិធីមួយដែលណែនាំបុគ្គលិកលក់នៅតាមសាខានីមួយៗឲ្យដឹងពីទីតាំងដែលត្រូវដាក់បង្ហាញផលិតផលនៅក្នុង Apple Store។
កម្មវិធីនេះគឺអាចឲ្យអ្នកជំនាញខាងផ្នែកជួសជុលត្រួតពិនិត្យបញ្ហាដែលកើតមានលើផលិតផលណាមួយ។
នៅពេលដែលបុគ្គលិក Apple ប្រទះឃើញ Bug(ភាពមិនប្រក្រតី) លើផលិតផល គេអាចប្រើប្រាស់កម្មវិធីនេះដើម្បីបំបាត់ Bug នោះដោយធ្វើឲ្យវាក្លាយទៅជា File។
កម្មវិធីនេះប្រើសម្រាប់តេស្តផ្នែកផ្សេងៗដែលមាននៅលើ iPhone, iPad និង iPod ដូចជាថ្ម Wifi និង Sensor មួយចំនួន។
ប្រសិនបើបុគ្គលិករបស់ក្រុមហ៊ុនទៅញ៉ាំអាហារដើម្បីពិភាក្សារឿងការងារក្រុមហ៊ុន ពួកគេថតរូបវិក្កយបត្ររួចបញ្ចូលក្នុងកម្មវិធីនេះ ដើម្បីឲ្យក្រុមហ៊ុនបានដឹង។
វាគឺជាប្រភេទ App Store ដែលប្រើសម្រាប់ Update កម្មវិធីសម្ងាត់របស់ក្រុមហ៊ុន។
វាជាហ្គេមបង្កើតដោយបុគ្គលិកក្រុមហ៊ុន ប្រើសម្រាប់តេស្តល្បឿនរបស់ iPhone៕