- 2019-04-24 03:39:58
- ព័ត៌មាន
OnePlus 7/7 Pro ប្រកាសថ្ងៃ ១៤ ឧសភានេះ តម្លៃរំពឹងទុកពី ៥៧៩ ដុល្លារឡើងទៅ
- 2019-04-24 03:39:58
- ចំនួនមតិ 0 | ចំនួនចែករំលែក 0
OnePlus 7/7 Pro ប្រកាសថ្ងៃ ១៤ ឧសភានេះ តម្លៃរំពឹងទុកពី ៥៧៩ ដុល្លារឡើងទៅ
ចន្លោះមិនឃើញ
ក្រុមហ៊ុន OnePlus បានបង្ហើបជាសាធារណៈកាលពីយប់មិញជុំវិញកាលបរិច្ឆេទចេញផ្សាយផ្លូវការនៃស្មាតហ្វូនធុនធ្ងន់ OnePlus 7 និង OnePlus 7 Pro ដែលនឹងធ្វើឡើងនាថ្ងៃទី ១៤ ឧសភា ជាមួយការចេញលក់លើទីផ្សារសកលលោកនាថ្ងៃទី ២២ ក្នុងខែដដែល។
ត្បិតអីទាំងតម្លៃនិងលក្ខណៈសម្បត្តិម៉ាស៊ីនពុំទាន់មានការបង្ហើបជាក់លាក់ តែយោងតាមរបាយការណ៍ចុងក្រោយបង្អស់ជឿថា OnePlus 7 នឹងដាក់លក់ក្នុងតម្លៃចាប់ពី ៥៧៩ ដុល្លារ ឡើងទៅ ស្របពេល OnePlus 7 Pro ថ្លៃ ៧៤៩ ដុល្លារ បន្សំជំនាន់ 5G ខ្ពស់ដល់ ៨៩៩ ដុល្លារ ។
តាមការប៉ាន់ប្រមាណ OnePlus 7 នឹងដើរតាមគន្លងចាស់របស់ 6T ដោយប្រើប្រាស់អេក្រង់ ៦,៤ អ៊ីញ មានមាត្រដ្ឋាន ១៩.៥:៩ ដដែល តែវិវត្តឡើងប្រើបន្ទះឈីប Qualcomm Snapdragon 855 អម RAM 6GB/8GB និងជម្រើសអង្គផ្ទុក 128/256GB។ សម្រាប់ត្រកូល Pro នឹងមានអេក្រង់ធំជាងមុនដល់ទៅ ៦,៧ អ៊ីញ លេចធ្លោត្រង់រចនាបថអេក្រង់កោងនិងគ្មានស្នាមឆក ជាមួយការបង្ហាញកម្រិតរូបភាពច្បាស់ដល់ ៣ ១២០x ១ ៤៤០ ភីកសែល។
ជាងនេះទៅទៀតជំនាន់ធម្មតានិង Pro ខុសគ្នាត្រង់កាមេរ៉ាក្រោយឡើងដល់ ៣ គ្រាប់ ពោលគឺ OnePlus 7 Pro មានប្រើឡេនមេទំហំ ៤៨MP អមឡេន Super-wide-angle ទំហំ ១៦MP និងឡេនចុងក្រោយ 8MP គាំទ្រការ Zoom ដល់កម្រិត 3x៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: