កប់មួយតួខ្លួន! Realme 3 Pro ប្រើឈីប SD710 + RAM 6GB តម្លៃក្រោម ២៥០ ដុល្លារ

2019-04-23 01:29:06
ផលិតផលថ្មី

2019-04-23 01:29:06
ចំនួនមតិ 0 | ចំនួនចែករំលែក 0

ចន្លោះមិនឃើញ

Realme ដែលជាស្លាកយីហោស្ថិតក្រោមការគ្រប់គ្រងរបស់ Oppo បានចេញផ្សាយនូវស្មាតហ្វូនជំនាន់ថ្មីរបស់ខ្លួនឲ្យឈ្មោះថា Realme 3 Pro មានវិវត្តនូវលក្ខណៈពិសេសជាច្រើនធៀបនឹងជំនាន់ចាស់។

ធុនកណ្តាលមួយម៉ូឌែលនេះប្រើប្រាស់អេក្រង់ ៦,៣ អ៊ីញ កម្រិត Full HD+ អមបន្ទះឈីប Snapdragon 710 ខណៈកាមេរ៉ាក្រោយ ២ គ្រាប់ទំហំ 16MP+5MP ប្រើប្រាស់ Sensor Sony IMX519 មានបំពាក់លើ OnePlus 6T អមកាមេរ៉ាមុខទំហំ 25MP មាន Aperture f/2.0 ដែលជាការវិវត្តខ្លាំងមួយធៀបនឹងកាមេរ៉ា 13MP លើ Realme 3។

ផ្នែកខាងក្រោយមានទ្រនាប់ស្កេនខ្ចៅដៃ លាយឡំកម្លាំងម៉ាស៊ីនខ្លាំងមានជម្រើស 4/6GB, 6/64GB, 6/128GB ជាមួយការបន្ថែម microSD ដល់ទៅ 256GB លើប្រអប់ស៊ីមកាតពីរនៅក្បែរគ្នានោះ។

លើផ្ទៃកម្មវិធី Color OS 6.0 និងរត់លើប្រព័ន្ធ Android Pie ស្មាតហ្វូន Realme 3 Pro ក៏បញ្ចូលនូវមុខងារពិសេសច្រើនក្នុងការថតរូប មិនថាតែ Chroma Boost និង Nightscape Mode ក្នុងការជំនួយលើការផ្តិតយករូបភាពនៅទីងងឹត ខណៈការថតវីដេអូ Slo-mo ធ្វើបានដល់កម្រិត HD នៅលក្ខខណ្ឌ ៩៦០fps។

ថាមពលថ្មទំហំ ៤ ០៤៥mAh ត្បិតនៅប្រើប្រាស់រន្ធ micro USB ពុំមែន USB-C ប៉ុន្តែមានគាំទ្រប្រព័ន្ធសាកថ្មរហ័ស VOOC 3.0 និងដុំសាកកម្លាំង ២០ វ៉ាត់របស់ Oppo ក្នុងប្រអប់ស្រាប់។ ចំពោះតម្លៃចាប់ផ្តើមពី ២០០ ដុល្លារ ឡើងទៅសម្រាប់ជម្រើស 4/64GB ស្របពេល ២៤៥ ដុល្លារ នៅជម្រើស 6/128GB ដោយមានលក់លើគេហទំព័រ Flipkart និងហាងចែកចាយចាប់ពីសប្តាហ៍ក្រោយតទៅ។