- 2019-04-22 09:21:57
- ចំណេះដឹង
កម្ពុជា ចេញផ្សាយរបាយការណ៍ស្តីពីវិស័យអាជីវកម្មបច្ចេកវិទ្យាបង្កើតថ្មីជាលើកដំបូង
- 2019-04-22 09:21:57
- ចំនួនមតិ 0 | ចំនួនចែករំលែក 0
កម្ពុជា ចេញផ្សាយរបាយការណ៍ស្តីពីវិស័យអាជីវកម្មបច្ចេកវិទ្យាបង្កើតថ្មីជាលើកដំបូង
ចន្លោះមិនឃើញ
អាជីវកម្មទើបបង្កើតថ្មីក្នុងវិស័យបច្ចេកវិទ្យារបស់កម្ពុជា កំពុងតែមានភាពរស់រវើក និងពោរពេញដោយថាមពល រួមជាមួយវប្បធម៌សហគ្រិនភាព និងឱកាសជាច្រើនសម្រាប់សហគ្រិននានា។
ការបញ្ជាក់នេះ យោងតាមរបាយការណ៍ស៊ីជម្រៅបំផុតមួយ តំណទាញយក ដែលរៀបរៀងឡើងដោយក្រុមហ៊ុន Mekong Strategic Partners និងក្រុមហ៊ុន Raintree ដែលបានធ្វើឡើងកាលពីខែមីនា ឆ្នាំ២០១៩។
ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ និងជាប្រធានក្រុមប្រឹក្សាមូលនិធិកសាងសមត្ថភាព ការស្រាវជ្រាវ និងការអភិវឌ្ឍ បានមានប្រសាសន៍ថា៖ "ក្រសួងប្រៃសណីយ៍ និងទូរគមនាគមន៍ កំពុងរៀបចំបង្កើតគោលនយោបាយមួយ ដែលនឹងជួយជំរុញការច្នៃប្រឌិត និងលើកកម្ពស់វិស័យអាជីវកម្មបច្ចេកវិទ្យាដែលទើបបង្កើតថ្មី និងសហគ្រាសខ្នាតតូច និងមធ្យម ព្រមទាំងផ្តល់ឱកាសដល់យុវជនកម្ពុជា ស្របតាមយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ដើម្បីធ្វើឲ្យមានភាពចម្រុះនៃសេដ្ឋកិច្ចកម្ពុជា និងត្រៀមរៀបចំសម្រាប់សេដ្ឋកិច្ចឌីជីថល និងបដិវត្តន៍ឧស្សាហកម្មទី៤"។
របាយការណ៍ដែលប្រមូលផ្តុំនូវទស្សនៈរបស់ភាគីពាក់ព័ន្ធក្នុងវិស័យអាជីវកម្មបច្ចេកវិទ្យា បង្កើតថ្មីជាង១២០នាក់ នេះបានបង្ហាញឲ្យឃើញពីទិដ្ឋភាពនៃវិស័យអាជីវកម្មបច្ចេកវិទ្យាទើបបង្កើតថ្មី និងការវិវឌ្ឍរបស់វិស័យបច្ចេកវិទ្យាឌីជីថល ក្នុងរយៈពេល ៣ ទៅ៤ឆ្នាំកន្លងមកនេះ ព្រមទាំងបង្ហាញមូលដ្ឋានគ្រឹះដែលត្រូវការជាចាំបាច់ដើម្បីជួយជំរុញឲ្យវិស័យសហគ្រិនឌីជីថលដ៏រឹងមាំមួយ។
ការរីកចម្រើននៃការវិនិយោគក្នុងវិស័យអាជីវកម្មដែលទើបបង្កើតថ្មី ចាប់ផ្តើមបង្ហាញជាសាធារណៈ រហូតកើនឡើងទ្វេដងចាប់ពីឆ្នាំ២០១៥ រហូតដល់ឆ្នាំ២០១៨។
របាយការណ៍នេះ ក៏បានគូសបញ្ជាក់ពីបញ្ហាប្រឈម ដែលក្រុមហ៊ុនឌីជីថលទើបបង្កើតថ្មី នឹងត្រូវជួបប្រទះផងដែល ជាពិសេសទាក់ទងនឹងកង្វះខាតជំនាញ និងបទពិសោធន៍នៃកម្លាំងពលកម្ម ហើយអ្នកជំនាញដែលមានបទពិសោធន៍ និងមានចំណេះដឹងខាងបច្ចេកទេសស៊ីជម្រៅឬបទពិសោធច្បាស់លាស់ នៅតែមានកម្រិតនៅឡើយ។ ការណែនាំវិនិយោគិនឲ្យស្គាល់ក្រុមហ៊ុនដែលមានសមត្ថភាពក្នុងការទទួលការវិនិយោគ ក៏ត្រូវបានចាត់ទុកថា ជាបញ្ហាប្រឈមដ៏សំខាន់មួយនៅក្នុងប្រទេសកម្ពុជាផងដែរ ជាពិសេសគឺការធានាឲ្យបានថា អាជីវកម្មដែលទើបបង្កើតថ្មីនោះមានសុវត្ថិភាពក្នុងកាវិនិយោគ។
គម្រោងសិក្សាស្ថានភាព និងរៀបចំរបាយការណ៍នេះឡើង គឺជាសំណើរបង្កើតឡើងរួមគ្នាដោយវិទ្យាស្ថាន NIPTICT និង ក្រុមហ៊ុន Smart Axiata ហើយបានទទួលថវិកាអនុវត្តពីមូលនិធិ ស.អ. និងបានចាប់ផ្តើមអនុវត្តចាប់ពីពាក់កណ្តាលឆ្នាំ២០១៨មកម្ល៉េះ។ គួរបញ្ជាក់ថានាចុងឆ្នាំ ២០១៧ ក្រុមប្រឹក្សាភិបាល កសាងសមត្ថភាព និងការស្រាវជ្រាវ និងការអភិវឌ្ឍ (CBRD) បានចេញផ្សាយផែនការរយៈពេលពីរឆ្នាំ (២០១៧- ២០១៨)របស់ខ្លួន ដែលបង្ហាញពីតម្រូវការជាបន្ទាន់សម្រាប់ស្វែងយល់ កាន់តែប្រសើរអំពីបច្ចុប្បន្នភាពនៃអាជីវកម្មបច្ចេកវិទ្យាដែលទើបបង្កើតថ្មីក្នុងប្រទេសនៅកម្ពុជា សម្រាប់បន្តរៀបចំគោលនយោបាយគាំទ្រនានាបន្ថែមទៀត៕