- 2019-04-18 07:37:05
- ព័ត៌មាន
Apple ព្រមសម្រួលជាមួយ Qualcomm ដើម្បី iPhone 5G
- 2019-04-18 07:37:05
- ចំនួនមតិ 0 | ចំនួនចែករំលែក 0
Apple ព្រមសម្រួលជាមួយ Qualcomm ដើម្បី iPhone 5G
ចន្លោះមិនឃើញ
នៅថ្ងៃដែល Apple ប្រកាសថាព្រមសម្រួលគ្នាជាមួយ Qualcomm លើជម្លោះរឿងក្ដីដែលកើតមានជាច្រើនឆ្នាំនោះ ក៏ជាថ្ងៃដែលក្រុមហ៊ុន Intel ប្រកាសថានឹងដើរចេញពីជំនួញផលិត Modem 5G ផងដែរ។
ការប្រកាសរបស់ Intel នៅអំឡុងពេលនេះ គឺទទួលបានការចាប់អារម្មណ៍ខ្លាំងមិនស្ទើរ ដោយសារមានការរំពឹងថា Intel នឹងជាអ្នកផ្គត់ផ្គង់ Modem 5G ទៅឲ្យ Apple ដើម្បីផលិត iPhone 5G។ ចចាមអារ៉ាមបានសន្និដ្ឋានថា Modem 5G របស់ Intel អាចបង្ហាញមុខនៅឆ្នាំ ២០២០ ឬ ២០២១ ខណៈដែលក្រុមហ៊ុននេះធ្លាប់ប្រកាសដោយខ្លួនឯងថា Modem របស់ខ្លួននឹងបង្ហាញមុខនៅឆ្នាំ ២០២០។
ប៉ុន្តែ Intel គឺដើរយឺតជាងក្រុមហ៊ុនដទៃទៀតដូចជា Qualcomm និង HiSilicon ក្នុងការផលិត Modem 5G។ Modem 5G របស់ Qualcomm ត្រូវបានប្រើប្រាស់លើផលិតផលមួយចំនួនរួចហើយដូចជា Galaxy S10 5G លក់នៅសហរដ្ឋអាមេរិក ហើយ Modem របស់ HiSilicon ត្រូវបានប្រើលើ Huawei Mate X។
គេមិនច្បាស់ថា Intel បានសម្រេចចិត្ត មុន ឬ ក្រោយពេលដឹងពីការសម្រួលរវាង Apple និង Qualcomm ឬយ៉ាងណានោះទេ។ ប៉ុន្តែវាអាចទៅរួចថាការចាកចេញពីជំនួញ 5G របស់ Intel អាចជាប់ទាក់ទងនឹងការសម្រេចចិត្តសម្រួលរបស់ Apple។
ការសម្រេចចិត្តសម្រួលគ្នាជាមួយ Qualcomm មានន័យថា iPhone ប្រើប្រាស់សេវា 5G អាចនឹងបង្ហាញវត្តមានលឿនជាងការរំពឹងទុករបស់អ្នកវិភាគភាគច្រើន៕
ចុចអាន៖