វិធីឆែកមើលអ្នកលួចលេង Wi-Fi តាមផ្ទះ និងប្ដូរ Password ថ្មីដោយខ្លួនឯង

2019-04-15 08:00:00
គន្លឹះ

2019-04-15 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការតភ្ជាប់អ៊ីនធឺណិត Wi-Fi តាមផ្ទះ ឬតាមការិយាល័យ ល្បឿនមិនស្ថិតស្ថេរ អាស្រ័យការប្រើប្រាស់តិចឬច្រើន។ ថ្ងៃនេះ Sabay បង្ហាញពីវិធីឆែកមើល តើមានមនុស្សប៉ុន្មាននាក់កំពុងប្រើប្រាស់ Wi-Fi របស់យើង និងវិធីប្ដូរកូដថ្មី/ផ្ដាច់ពួកគេកុំឲ្យប្រើប្រាស់បានទៀត។

វិធីចូលទៅកាន់ Admin Tool នៃ Router អ៊ីនធឺណិត

(ចាំបាច់) ត្រូវដោតភ្ជាប់ខ្សែ Ethernet ពីដុំ Router នៃរន្ធ LAN ណាមួយទៅកាន់កុំព្យូទ័រ

បើក Browser គួរប្រើ Chrome ឬ Firefox ហើយ Copy អាសយដ្ឋាននេះ http://192.168.0.1 ឬ http://192.168.1.1
រួច Past ចូលទៅក្នុងទីតាំង Address Bar
ពេលនោះវានឹងទាមទារ User Name & Password (ជាទូទៅអ្នកត្រូវវាយពាក្យ Admin ទាំងលើទាំងក្រោម ករណីបើខុសសូមទាក់ទងទៅសួរលេខកូដពីក្រុមហ៊ុនអ៊ីនធឺណិត) > ចុច Log In

វិធីលុបឧបករណ៍ណាមួយចេញពីការប្រើ Wi-Fi របស់យើង

ចុចត្រង់កន្លែង IP & MAC Biding
ចុចពាក្យ ARP List > វានឹងបង្ហាញចំនួនឧបករណ៍ដែលតភ្ជាប់កំពុងប្រើ Wi-Fi យើង (ឧទាហរណ៍: Wi-Fi របស់ Sabay មានអ្នកប្រើ ៥ នាក់)

មុននឹងលុប អ្នកគួរផ្ទៀងផ្ទាត់ IP Address ករណីបើ IP នោះខុសពីឧបករណ៍នៃសមាជិកដែលយើងអនុញ្ញាតឲ្យប្រើ > សូមចុចពាក្យ Delete #បញ្ជាក់: អ្នកអាចផ្ទៀងផ្ទាត់បានតែជាមួយ Private IP Address ប៉ុណ្ណោះ បើអ្នកយក Public IP Address អ្នកនឹងមើលឃើញខុសគ្នាដាច់ស្រឡះ

ដើម្បីឆែកមើល Private IP Address លើកុំព្យូទ័រ

សូមចូលទៅកាន់ Control Panel > All Control Panel Items > Network and Sharing Center

ចុចត្រង់កន្លែង Local Area Connection > ចុចពាក្យ Detail
មើលកន្លែង Ipv4 Address ឧទាហរណ៍: 192.168.0.100

ដើម្បីឆែកមើល Private IP Address លើស្មាតហ្វូន

ចុចត្រង់កន្លែង សញ្ញាឧទានលើឈ្មោះ Wi-Fi
ត្រង់ប្រអប់ DHCP > មើលត្រង់ពាក្យ IP Address ឧទាហរណ៍: 192.168.0.103

វិធីប្ដូរលេខកូដ Wi-Fi ដោយខ្លួនឯង

ចូលទៅកាន់Wireless > Wireless Security

ត្រង់កន្លែង Wireless Password > សូមធ្វើការប្ដូរថ្មី ដែលចន្លោះពី ៨ ទៅ ៦៤ ខ្ទង់
អូសមកក្រោមចុចពាក្យ Save ជាការស្រេច។

ការណែនាំនេះ ផ្អែកតាមស្តង់ដារនៃពពួក Router ដែលកំពុងពេញនិយមប្រើប្រាស់តែប៉ុណ្ណោះ ចំពោះ Router ខ្លះ ការគ្រប់គ្រងនិងវិធីសាស្ត្រប្រើប្រាស់មានលក្ខណៈខុសប្លែកគ្នាបន្តិចបន្តួច។ ប៉ុន្តែបើប្រិយមិត្តមានចម្ងល់ត្រង់ចំណុចណាមួយ អាច Comment សួរពួកយើងបាន

អត្ថបទ៖ កៅ រក្សា