អ្នក IT នៅវៀតណាម ចង់ប្ដូរការងារភ្លាមៗ ព្រោះហេតុផលធំមួយ

2019-04-11 01:00:00
ព័ត៌មាន

2019-04-11 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាញផ្នែក IT នៅប្រទេសវៀតណាមលើស ៦០% ចង់ផ្លាស់ប្ដូរការងាររបស់ខ្លួនបន្ទាប់ពីរយៈពេល ៦ ខែក្រោយចប់ដំណាក់កាលសាកល្បង(Probation)។ នេះបើយោងតាមរបាយការណ៍ថ្មីមួយចេញផ្សាយកាលពីខែមីនាឆ្នាំដោយ VietnamWorks។

រូបតំណាង អ្នកជំនាញផ្នែក IT នៅប្រទេសវៀតណាមលើស ៦០% ចង់ផ្លាស់ប្ដូរការងារ

ប្រភពដដែលបានឲ្យដឹងថា ក្រោយពេលធ្វើការ Surveyសាកសួរផ្ទាល់តាមរយៈសំណួរ ៩ ខុសគ្នា ពេលបានចម្លើយមកគឺក្នុងចំណោមបុគ្គលិកពេញសិទ្ធ ១០០ នាក់មាន ៤ នាក់ដែលចង់ប្ដូរការងារទៅជំនាញផ្សេងវិញ ព្រោះតែរឿងប្រាក់ខែតិចពេក។

ចម្លើយដ៏ចាក់ដោតមួយគឺ អ្នក IT វៀតណាម ៤៧,៥% ចង់បានប្រាក់ខែ ស្ថិតចន្លោះពី ៣០០ ទៅ ១០០០ ដុល្លារ។

ដោយឡែកសំនួរផ្សេងទៀតដូចជា ចង់ឡើងជាបុគ្គលិកពេញសិទ្ធ(១៥,៧%) ចង់ធ្វើការក្នុងបរិយាកាសបែបថ្មី(១០%) ចង់ប្ដូរអាជីព(៨,១%) ចង់ទទួលបានអត្ថប្រយោជន៍ប្រសើរជាងមុន(៥,២%) ការងារគួរឲ្យធុញ(៣,៩%) សប្បាយចិត្តធ្វើការជាមួយមេ(៣,៦%) កន្លែងធ្វើការឆ្ងាយពេក(២,៣%) ចង់ឡើងប្រាក់ខែ(១,៦%)។

ជាឧទាហរណ៍ អ្នកជំនាញអភិវឌ្ឍន៍កម្មវិធី(Senior developers) នៅទីក្រុងហាណូយ ទទួលបានប្រាក់ខែត្រឹមតែ ១ ០៩៨ ដុល្លារប៉ុណ្ណោះ ខណៈដែលការរំពឹងទុករបស់ពួកគេ ថានឹងអាចទទួលបាន ១ ៥៦៣ ដុល្លារក្នុងមួយខែ។ ចំណែកតួនាទីជា IT Manager ទទួលបានត្រឹម ១ ៥៥០ ខណៈដែលការរំពឹងទុករបស់ពួកគេ ថានឹងអាចទទួលបាន ២៦២៥ ដុល្លារក្នុងមួយខែ។

រីឯសំណួរពាក់ព័ន្ធនឹង ប្រាក់លើកទឹកចិត្ត មានអ្នកមិនពេញចិត្ត ២៨,៩% និង ២៥% ក្នុងចំណោមបុគ្គលិក ១០០០ នាក់និយាយថា ប្រភេទប្រាក់លើកទឹកចិត្តដែលផ្ដល់ឲ្យនោះ មិនសមទំនង(មិនគ្រប់គ្រាន់)។

នាយកប្រតិបត្តិ Navigos Group បាននិយាយថា "យើងជឿជាក់ថារឿងប្រាក់ខែ និងប្រាក់លើកទឹកចិត្ត នឹងបន្ថែមជូនបុគ្គលិកណា ដែលខិតខំធ្វើការនឹងប្រឹងប្រែងអភិវឌ្ឍន៍ខ្លួនជាប្រចាំ មិនមែនចង់បានតែប្រាក់ខែ តែធ្វើការងារគ្មានលទ្ធផលប្រសើរជាងមុនទេ៕