- 2019-04-09 08:25:16
- ព័ត៌មាន
មេ Twitter ទទួលបានប្រាក់បៀវត្សដំបូងចំនួន ១,៤០ ដុល្លារគត់
- 2019-04-09 08:25:16
- ចំនួនមតិ 0 | ចំនួនចែករំលែក 0
មេ Twitter ទទួលបានប្រាក់បៀវត្សដំបូងចំនួន ១,៤០ ដុល្លារគត់
ចន្លោះមិនឃើញ
សហស្ថាបនិក Twitter លោក Jack Dorsey ទទួលបានប្រាក់បៀវត្សជាលើកដំបូងសម្រាប់ឆ្នាំ ២០១៨ ក្រោយពីត្រឡប់មកកាន់តំណែងជានាយកប្រតិបត្តិក្រុមហ៊ុនបណ្ដាញសង្គមនេះបានបួនឆ្នាំមកហើយនោះ។
ផ្អែកតាមឯកសារគណៈកម្មាធិការមូលប័ត្ររបស់ក្រុមហ៊ុន Twitter បង្ហាញថាប្រាក់ប្រចាំឆ្នាំ ២០១៨ ដែលលោក Jack ទទួលបានគឺមានត្រឹម ១,៤០ ដុល្លារប៉ុណ្ណោះ។ រយៈពេល ៣ ឆ្នាំកន្លងទៅនាយកក្រុមហ៊ុនរូបនេះ បានប្រកែកមិនទទួលយកប្រាក់រង្វាន់ ឬប្រាក់លើកទឹកចិត្តអ្វីនោះទេ។ ហើយនៅឆ្នាំ ២០១៨ នេះក៏ដូចគ្នា ដោយលោកទទួលយកតែប្រាក់បៀវត្ស ១,៤០ ដុល្លារនេះប៉ុណ្ណោះ។
ចំនួនប្រាក់បៀវត្សនេះមិនមែនជាតួលេខចៃដន្យនោះទេ។ សារព័ត៌មានជាច្រើនលើកឡើងថាវាជាការតំណាងឲ្យការកំណត់តួអក្សរត្រឹម ១៤០ តួនៅលើបណ្ដាញ Twitter តាំងពីដំណើរការឆ្នាំ ២០០៦ មក។
នៅចុងឆ្នាំ ២០១៧ បណ្ដាញ Twitter បានបង្កើនចំនួនតួអក្សរដែលខ្លួនកំណត់ ឡើងដល់ ២៨០ តួវិញ។ គេមិនច្បាស់ថាប្រាក់បៀវត្សនៅឆ្នាំ ២០១៩ របស់លោក Jack នឹងឡើងទ្វេដងតាមតួអក្សរដែរឬយ៉ាងណានោះទេ៕
ចុចអាន៖
