នាយកប្រតិបត្តិ Huawei ជឿថានឹងអាចយកឈ្នះ Samsung នៅឆ្នាំ ២០២០

2019-04-02 08:27:53
ព័ត៌មាន

2019-04-02 08:27:53
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីឆ្នាំ ២០១៦ ក្រុមហ៊ុន Huawei បានកំណត់គោលដៅថានឹងដណ្ដើមយកតំណែងលេខ ២ ពី Apple ក្នុងឆ្នាំ ២០១៩ បន្ទាប់មកយកតំណែងកំពូលពី Samsung នៅឆ្នាំ ២០២១។ យ៉ាងណាក្ដីក្រុមហ៊ុននេះអាចបំបែកគោលដៅរបស់ខ្លួនបាន ដោយទទួលបានតំណែងលេខ ២ តាំងពីឆ្នាំ ២០១៨ មកម្ល៉េះ ដោយបានច្រានទម្លាក់ Apple ទៅលេខ ៣ កាលពីខែសីហា។

ក្រុមហ៊ុនយក្សរបស់ចិនមួយនេះបានបិទបញ្ចប់ឆ្នាំ ២០១៨ ដោយបានបំបែកកំណត់ត្រាជាច្រើន ហើយអាចលក់ស្មាតហ្វូនបានលើសពី ២០០ លានគ្រឿង។ ជាមួយសមិទ្ធផលដ៏អស្ចារ្យទាំងនេះ Huawei ជឿជាក់នឹងអាចយកឈ្នះ Samsung បាននៅឆ្នាំ ២០២០ ខាងមុខ មិនបាច់ចាំដល់ឆ្នាំ ២០២១ ឡើយ។

ក្នុងបទសម្ភាសន៍កាលពីថ្មីៗនេះ លោក Richard Yu នាយកប្រតិបត្តិ Huawei បានបង្ហាញក្ដីជឿជាក់ថា Huawei នឹងអាចក្លាយជាក្រុមហ៊ុនស្មាតហ្វូនធំជាងគេនៅឆ្នាំ ២០២០។ លោកបន្ថែមថា Samsung និង Apple នៅតែជាគូប្រជែងរបស់ខ្លួន ព្រោះថាក្រុមហ៊ុនទាំងពីរមានគំនិតច្នៃប្រឌិត។

ឆ្នាំ ២០១៩ នេះ Huawei អាចនឹងប្រើយុទ្ធសាស្ត្រដូចឆ្នាំមុនដែរ ដោយពឹងផ្អែកលើត្រកូល P30, ត្រកូល Mate 30 ដែលនឹងចេញឆាប់ៗ រួមទាំងស្មាតហ្វូនធូរថ្លៃជាច្រើនទៀត។ យ៉ាងណាក្ដីឆ្នាំនេះស្មាតហ្វូន Mate X នឹងជាការបើកទំព័រថ្មីសម័យកាលថ្មីមួយសម្រាប់ Huawei ខណៈដែលក្រុមហ៊ុនចង់ផលិតស្មាតហ្វូនបត់ឲ្យបានច្រើននាថ្ងៃអនាគត៕

ចុចអាន៖

ប្រភព៖ pocketnow ប្រែសម្រួល៖ សុខហេង