- 2019-03-15 02:16:52
- ព័ត៌មាន
មិនដឹងខ្លាំងប៉ុណ្ណាទេ! Pixel 4 មានបំពាក់កាមេរ៉ាក្រោយភ្លោះ
- 2019-03-15 02:16:52
- ចំនួនមតិ 0 | ចំនួនចែករំលែក 0
មិនដឹងខ្លាំងប៉ុណ្ណាទេ! Pixel 4 មានបំពាក់កាមេរ៉ាក្រោយភ្លោះ
ចន្លោះមិនឃើញ
ត្បិតថាមានបំពាក់កាមេរ៉ាខាងក្រោយត្រឹមតែ ១ គ្រាប់ ប៉ុន្តែ Google Pixel 3/3 XL មានសមត្ថភាពចាប់យករូបភាពនិងវីដេអូបានល្អបំផុត មិនចាញ់ស្មាតហ្វូនបំពាក់កាមេរ៉ាច្រើនគ្រាប់នោះទេ។
ជាមួយការលេចធ្លាយរូបរាង Pixel 4 កាលពីថ្មីៗនេះធ្វើឲ្យគ្រប់គ្នាកាន់តែរំជួលចិត្តអំពីសមត្ថភាពកាមេរ៉ាស្មាតហ្វូនជំនាន់ថ្មីនេះ ដោយរំពឹងថានឹងកាន់តែខ្លាំងក្លាជាងមុន។ តាមរូបភាពលេចធ្លាយបានបង្ហាញថា Google Pixel ជំនាន់ថ្មីនឹងមានបំពាក់កាមេរ៉ាដល់ទៅ ២ គ្រាប់ ទាំងផ្នែកខាងមុខនិងខាងក្រោយ។
រូបភាពក៏បានបង្ហាញថា Pixel 4 មានប្រើប្រាស់រចនាបថចោះរន្ធកាមេរ៉ាលើអេក្រង់ដូចជា Galaxy S10 ដែលអាចឲ្យស្មាតហ្វូននេះមានអេក្រង់លាតសន្ធឹងពេញផ្ទៃ ទាក់ទាញជាង Pixel 3 និង 3 XL។ គេសង្កេតថាលើរូបភាពបែកធ្លាយមិនមានទ្រនាប់ស្កេនម្រាមដៃនោះទេ ហេតុនេះវាអាចនឹងត្រូវបង្កប់នៅក្រោមផ្ទៃអេក្រង់ដូចស្មាតហ្វូន Android ដទៃដែរ។
គួរដឹងថា Pixel ជំនាន់ថ្មីអាចនឹងប្រកាសចេញនៅអំឡុងខែតុលា ឆ្នាំ ២០១៩ នេះ ពោលក្រោយពីការប្រកាសចេញ Galaxy Note និង iPhone ជំនាន់ថ្មី៕
ចុចអាន៖
