- 2019-03-10 02:35:31
- គន្លឹះ
Apple ចេញវីដេអូថ្មី បង្ហាញថា iPhone អាចធ្វើអ្វីបានខ្លះ
- 2019-03-10 02:35:31
- ចំនួនមតិ 0 | ចំនួនចែករំលែក 0
Apple ចេញវីដេអូថ្មី បង្ហាញថា iPhone អាចធ្វើអ្វីបានខ្លះ
ចន្លោះមិនឃើញ
កាលពីប៉ុន្មានថ្ងៃមុន Apple បានបញ្ចេញវីដេអូចំនួន ៥ ដែលបង្ហាញអំពីការប្រើប្រាស់មុខងារពិសេសៗមួយចំនួននៅលើ iPhone។ នៅថ្ងៃនេះ Apple បានបន្ថែមវីដេអូ ៥ ទៀត ដែលបង្ហាញអំពីមុខងារគួរចាប់អារម្មណ៍មួយចំនួន។
វីដេអូទីមួយបង្ហាញអំពីសមត្ថភាពធន់នឹងទឹករបស់ iPhone ជំនាន់ចុងក្រោយ ដោយអ្នកប្រើប្រាស់មិនបាច់បារម្ភថាទូរសព្ទនឹងខូចពេលត្រូវទឹកនោះឡើយ។
វីដេអូទីពីរបង្ហាញអំពីការប្រើប្រាស់ផ្ទៃមុខដើម្បីដោះសោ ជាមួយមុខងារ FaceID ដែលចូលមកជំនួស TouchID និងមានសុវត្ថិភាពខ្ពស់។
វីដេអូទីបីបង្ហាញអំពីការស្វែងរករូបភាពល្អ ក្នុងរូបភាពជាច្រើនសន្លឹកដែលថតដោយប្រើមុខងារ Live Photo។
វីដេអូបន្ទាប់បង្ហាញអំពីការជជែកជាមួយអ្នកជំនាញរបស់ Apple លើបញ្ហាណាមួយដែលអ្នកប្រើប្រាស់កំពុងជួបប្រទះ ដើម្បីដោះស្រាយភ្លាមៗដោយមិនបាច់ទៅដល់កន្លែងផ្ដល់សេវា។
វីដេអូចុងក្រោយបង្ហាញអំពីការរក្សាទុក Boarding Pass លើ iPhone ដែលមានភាពងាយស្រួលបំផុត៕
