ចេញផ្លូវការហើយ នេះអ៊ុតតម្លៃ VIVO V15 នៅទីផ្សារប្រទេសថៃ តិចមើល៎!

2019-03-04 08:45:00
ផលិតផលថ្មី

2019-03-04 08:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមគេហទំព័រ GSMArena បានចុះផ្សាយមុននេះបន្តិច វត្តមានស្មាតហ្វូន Vivo V15 បច្ចុប្បន្នកំពុងមានលក់លើទីផ្សារប្រទេសថៃ, ម៉ាឡេស៊ី និងកម្ពុជា។ ធុនតូចនេះធៀបនឹងរៀមចម្បង V15 Pro ខុសត្រង់ប្រភេទបន្ទះឈីប និងទំហំកាមេរ៉ាមុខដោយ V15 មានត្រឹម 32MP ប៉ុន្តែប្រភេទ Pop-up ផុសឡើងលើដូចគ្នា។

ប្រភពខាងលើបង្ហើបថាសម្រាប់ទីផ្សារប្រទេសថៃ ពេលនេះអតិថិជនអាចជាវបានក្នុងតម្លៃ ១០ ៩៩៩ បាតឬប្រហែល ៣៤៥ ដុល្លារ ប៉ុន្តែនៅទីផ្សារកម្ពុជានិងម៉ាឡេស៊ីមិនទាន់ត្រូវបានប្រកាសតម្លៃពីក្រុមហ៊ុន Vivo នៅឡើយ។

V15 បំពាក់នូវបន្ទះឈីប Helio P70 អម RAM 6GB មានអេក្រង់ LCD ទំហំ ៦,៥៣ អ៊ីញ កម្រិត FullHD+ មាត្រដ្ឋាន ១៩,៥:៩។ អង្គផ្ទុកខាងក្នុងម៉ាស៊ីនទំហំ 128GB គាំទ្រការបន្ថែម microSD ខាងក្រៅ ខណៈប្រព័ន្ធកាមេរ៉ាបីគ្រាប់ផ្នែកខាងក្រោយមួយទំហំ 12MP មាន Aperture f/1.8 គ្រាប់ទីពីរទំហំ 8MP ប្រភេទ Wide-Angle មាន Aperture f/2.2 និងគ្រាប់ចុងក្រោយ 5MP ចាប់យកកម្រិតព្រាល មាន Aperture f/2.4។

ថាមពលថ្មឡើងដល់ ៤ ០០០mAh ប៉ុន្តែនៅបន្តប្រើប្រាស់រន្ធសាក micro USB ដែលជាចំណុចខកចិត្តមួយសម្រាប់ស្មាតហ្វូនសេរ៊ីទំនើបនេះ។ ប្រព័ន្ធប្រតិបត្តិដំណើរការដោយ Android Pie អមផ្ទៃកម្មវិធី Funtouch 9 ជាមួយទ្រនាប់ស្កេនខ្ចៅដៃនៅខ្នងម៉ាស៊ីន។