- 2019-03-03 06:16:51
- ព័ត៌មាន
បច្ចេកវិទ្យាអេក្រង់បត់របស់ Samsung ធ្លាប់ត្រូវគេលួចបាន យកលក់ឲ្យក្រុមហ៊ុនចិន
- 2019-03-03 06:16:51
- ចំនួនមតិ 0 | ចំនួនចែករំលែក 0
បច្ចេកវិទ្យាអេក្រង់បត់របស់ Samsung ធ្លាប់ត្រូវគេលួចបាន យកលក់ឲ្យក្រុមហ៊ុនចិន
ចន្លោះមិនឃើញ
កាលពីថ្ងៃទី ៣០ ខែវិច្ឆិកា ឆ្នាំកន្លងទៅព្រះរាជអាជ្ញាស្រុកនៃក្រុង Suwon នៃប្រទេសកូរ៉េខាងត្បូង បានចោទប្រកាន់លើបុគ្គលចំនួន ១១ រូបនៃក្រុមហ៊ុនមួយ ថាបានលួចបច្ចេកវិទ្យាសម្ងាត់ពីក្រុមហ៊ុន Samsung ដើម្បីយកលក់ឲ្យក្រុមហ៊ុនចិន។
ឈ្មោះក្រុមហ៊ុនរបស់បុគ្គលទាំង ១១ រូបខាងលើមិនត្រូវបានបង្ហាញឲ្យដឹងនោះទេ ប៉ុន្តែគេដឹងថាវាជាក្រុមហ៊ុនដែលមានជាប់កុងត្រាជាមួយ Samsung ក្នុងការផលិតគ្រឿងបន្លាស់សម្រាប់អេក្រង់ OLED របស់ Samsung។ ក្នុងចំណោម ១១ រូបនេះ មាន ៣ រូបត្រូវបានចាប់ខ្លួនរង់ចាំការកាត់ក្ដី ដោយក្នុងនោះរួមមាននាយកប្រតិបត្តិរបស់ក្រុមហ៊ុននេះផងដែរ។
ពួកគេទាំង ១១ រូបបានរួមដៃគ្នាផ្ញើគំនូរព្រាង និងគំនូរបំព្រួញនៃផ្ទាំងអេក្រង់ OLED ដែលមាននិយាយអំពីបច្ចេកវិទ្យាអេក្រង់ OLED អាចបត់បាន 3D Lamination ដោយបានលក់បច្ចេកវិទ្យាសម្ងាត់នេះឲ្យក្រុមហ៊ុនចិនក្នុងតម្លៃ ១៤ លានដុល្លារ។
ព្រះរាជអាជ្ញាបានឲ្យដឹងថា Samsung បានចំណាយពេល ៦ ឆ្នាំ និងទឹកប្រាក់ ១៣០ លានដុល្លារ ដើម្បីអភិវឌ្ឍន៍អេក្រង់អាចបត់បាននេះ។ មកទល់ពេលនេះការកាត់ក្ដីមិនទាន់បានកំណត់ពេលវេលានៅឡើយទេ៕
