- 2019-03-01 07:55:55
- ចំណេះដឹង
ចំណេញមិនតិចម៉ឺនដុល្លារ ពេលលក់ LX 570 បានមួយគ្រឿងៗ
- 2019-03-01 07:55:55
- ចំនួនមតិ 0 | ចំនួនចែករំលែក 0
ចំណេញមិនតិចម៉ឺនដុល្លារ ពេលលក់ LX 570 បានមួយគ្រឿងៗ
ចន្លោះមិនឃើញ
អ្នកណាមិនថា Lexus LX 570 មួយៗថ្លៃកប់ពពក មានតែអ្នកមាននិងមន្ត្រីធំៗទើបមានជិះ។ ជាក់ស្ដែង Lexus LX 570 ស៊េរីថ្មី ថ្លៃដល់ទៅខ្ទង់ ២២ ម៉ឺនដុល្លារ ឯអ្នកលក់ក៏ចំណេញខ្ទង់ម៉ឺនដុល្លារ សម្រាប់ Lexus LX 570 មួយគ្រឿងៗ។
ភ្នាក់ងារមួយរូបក្នុងហាងលក់រថយន្តទំនើបក្នុងក្រុងភ្នំពេញ សុំមិនបញ្ចេញឈ្មោះ បង្ហើបឲ្យដឹងថា Lexus LX 570 ប្រើសាំងមួយគ្រឿង ថ្លៃខ្ទង់ ១០ម៉ឺនដុល្លារ តែបើប្រើម៉ាស៊ូតរាងធូរថ្លៃជាងនេះ។ ប្រភពដដែលបន្ថែមថា បើផាត់ថ្លៃ ពន្ធ ថ្លៃដឹកជញ្ជូន (Shipping) ថ្លៃធានារ៉ាប់រង និងថ្លៃផ្សេងៗទៀត អ្នកលក់អាចចំណេញបានខ្ទង់ពី ២ ទៅ ៣ម៉ឺនដុល្លារសម្រាប់ Lexus 570 ស៊េរីចុងក្រោយមួយគ្រឿង។
តម្លៃចំណេញពី ២ទៅ ៣ម៉ឺនដុល្លារសម្រាប់ LX 570 ប្រភេទ Full Option ជាចំនួនសរុបដែលប្រភពខាងលើបង្ហើបឲ្យដឹង ដោយមិនអាចបញ្ជាក់ពីថ្លៃពន្ធនិងថ្លៃដឹកជញ្ជូនជាក់លាក់។ សម្រាប់ខាងក្រុមហ៊ុននាំចូលផ្លូវការពុំមានប្រភពណាមួយអាចបញ្ជាក់ឡើយ។
LX 570 បំពាក់ដោយម៉ាស៊ីន V8 ទំហំ 5.7លីត្រ និងកម្លាំងម៉ាស៊ីនដល់ទៅ ៣៨៣សេះ។ ចង្កៀងមុខទាំងសងខាងរបស់វាប្រភេទ LED មានរាងបញ្ឈរ ដែលធ្វើឱ្យផ្នែកមុខទាំងមូលនៃរថយន្តនេះរឹតតែមានទាក់ទាញនិងស៊ីវិល័យ រីឯតាប្លូខាងក្នុងបំពាក់ដោយផ្ទាំង Touchscreen សម្រាប់ផ្ដល់ព័ត៌មានផ្សេងៗទំហំ ១២,៣អ៊ីញ
បច្ចេកវិទ្យាទំនើបដែលបានបំពាក់លើម៉ូដែល LX 570 នេះមានដូចជា កាមេរ៉ាក្រោយប្រភេទ Panorama (Panoramic Rearview Camera) ដែលអាចឱ្យអ្នកបើកបរមើលឃើញទិដ្ឋភាពនៅខាងក្រោយរថយន្តបានយ៉ាងធំទូលាយ និងងាយស្រួល និង Driving Mode ពិសេសចំនួន ៤ (Eco, Comfort, Sport S និង Sport S+ ) សម្រាប់ពិនិត្យមើលស្ថានការណ៍ម៉ាស៊ីន ក៏ដូចជាបូមរថយន្តជាដើម៕