- 2019-02-27 03:05:00
- ផលិតផលថ្មី
Sony និង Nokia ត្រឡប់មកវិញជាប់ឈ្មោះជា "ស្មាតហ្វូនល្អប្រចាំ MWC"
- 2019-02-27 03:05:00
- ចំនួនមតិ 0 | ចំនួនចែករំលែក 0
Sony និង Nokia ត្រឡប់មកវិញជាប់ឈ្មោះជា "ស្មាតហ្វូនល្អប្រចាំ MWC"
ចន្លោះមិនឃើញ
មានស្មាតហ្វូនច្រើនម៉ូឌែលមែនទែន ដែលបានបង្ហាញខ្លួននៅក្នុងព្រឹត្តិការណ៍ផលិតផលបច្ចេកវិទ្យាស្មាតហ្វូនដ៏ធំប្រចាំឆ្នាំ MWC 2019។ ដោយឡែកមានស្មាតហ្វូន ៥ ដែលលេចធ្លោជាងគេរហូតត្រូវបានគេហទំព័របច្ចេកវិទ្យាធំៗចាត់ចូលជា ស្មាតហ្វូនល្អបំផុតប្រចាំព្រឹត្តិការណ៍ នេះហើយក្នុងនោះក៏មាន Nokia និង SONY ផងដែរ។
ខាងក្រោមនេះជាតំណែងស្មាតហ្វូន ៥ ល្អបំផុតប្រចាំ MWC 2019៖
ក្រុមហ៊ុន Huawei បានបញ្ចេញ Mate X ជាលើកដំបូងដែលជាប្រភេទស្មាតហ្វូនអាចបត់អេក្រង់បាន ដែលកំពុងទទួលបានការចាប់អារម្មណ៍ខ្លាំងមិនចាញ់ Galaxy Fold របស់ Samsung និង OPPO ប៉ុន្មាននោះទេ។ Mate X នឹងបញ្ចេញលក់លើទីផ្សារអំឡុងពាក់កណ្ដាលឆ្នាំ ២០១៩ នេះ ដោយលើទីផ្សារអឺរ៉ុបមានតម្លៃ ២ ២៩៩ អឺរ៉ូ ដែលស្មើប្រមាណ ២ ៦០០ ដុល្លារឯណោះ៕
ក្រុមហ៊ុន Sony បានចេញផ្សាយស្មាតហ្វូនម៉ូឌែលថ្មី Xperia 1 ដោយមានចំណុចរសើបត្រង់ការបំពាក់អេក្រង់ OLED 4K ដំបូងគេបង្អស់ក្នុងលោក មានមាត្រដ្ឋាន ២១:៩ ជាមួយកាមេរ៉ា ៣ គ្រាប់ជាលើកដំបូងសម្រាប់ខ្លួននៅខាងក្រោយ។ ព័ត៌មានបន្ថែមពី Sony Xperia 1
#Samsung Galaxy S10 / S10 Plus
Galaxy S10 ទាំងបីម៉ូដែល របស់ Samsung បានវិវត្តន៍ឲ្យកាន់តែប្រសើរជាងមុន ទាំងលើការថតរូប និងការថតវីដេអូ។ គួរឲ្យចាប់អារម្មណ៍បំផុតគឺមុខងារ Super Steady ដែលអាចរក្សាលំនឹងពេលថតវីដេអូបានយ៉ាងល្អ មិនចាញ់ GoPro ប៉ុន្មានឡើយ។ ឯ Galaxy S10+ ជាប់ជាស្មាតហ្វូនថត Selfie ស្អាតស៊ីដាច់ស្មាតហ្វូនដទៃ។ ព័ត៌មានបន្ថែមពី Galaxy S10 / S10 Plus
ស្មាតហ្វូនកាមេរ៉ា ៥ ដំបូងគេក្នុងលោករបស់ Nokia គឺទទួលបានការចាប់អារម្មណ៍ខ្លាំងមែនទែន។ ជាមួយ Nokia 9 អ្នកអាចកំណត់ការថតរូបប្រភេទ RAW បាន ដើម្បីអាចកែសម្រួលលើកម្មវិធី Adobe Lightroom ដែលអាចទាញយកដំឡើងលើទូរសព្ទនេះបានដោយឥតគិតថ្លៃ។ ព័ត៌មានបន្ថែមពី Nokia 9 PureView
ក្រុមហ៊ុន Xiaomi បានប្រកាសចេញផ្សាយស្មាតហ្វូនជំនាន់ក្រោយរបស់ខ្លួនគឺ Mi Mix 3។ ចំណុចខ្លាំងពីរនៃធុនធ្ងន់នេះ មានបំពាក់មកជាមួយនូវបន្ទះឈីបជំនាន់ខ្ពស់ផុតលេខ Qualcomm Snapdragon 855 និងការគាំទ្រប្រព័ន្ធអ៊ីនធឺណិតល្បឿនលឿន 5G។ ព័ត៌មានបន្ថែមពី Xiaomi Mi Mix 3 5G