- 2019-02-21 04:48:00
- ព័ត៌មាន
Metfone បង់ពន្ធចូលរដ្ឋជាង ៥០០ លានដុល្លារលើប្រតិបត្តិការសេវាទូរសព្ទនៅកម្ពុជា
- 2019-02-21 04:48:00
- ចំនួនមតិ 0 | ចំនួនចែករំលែក 0
Metfone បង់ពន្ធចូលរដ្ឋជាង ៥០០ លានដុល្លារលើប្រតិបត្តិការសេវាទូរសព្ទនៅកម្ពុជា
ចន្លោះមិនឃើញ
ក្រុមហ៊ុនបណ្តាញទូរសព្ទ Metfone បានបង់ចំណូលពន្ធចូលរដ្ឋជាង ៥០០ លានដុល្លារអាមេរិកក្នុងប្រតិបត្តិការអាជីវកម្មទូរសព្ទក្នុងប្រទេសកម្ពុជា។
លោក Le Dang Dung ជា CEO នៃសម្ព័ន្ធក្រុមហ៊ុន Viettel Group បានលើកឡើងថា រយៈពេល ៩ ឆ្នាំ ក្រុមហ៊ុន Metfone បានចូលរួមជួយដល់ការអភិវឌ្ឍសេដ្ឋកិច្ចកម្ពុជា តាមរយៈការបង់ពន្ធចូលរដ្ឋជាទៀងទាត់ រួមទាំងការបង្កើតឱកាសការងារដល់ពលរដ្ឋកម្ពុជារាប់ពាន់នាក់។
មេធំសម្ព័ន្ធក្រុមហ៊ុនទូរសព្ទដ៏ធំនេះបញ្ជាក់ថា ក្នុងការប្រតិបត្តិអាជីវកម្ម ៩ ឆ្នាំ ក្រុមហ៊ុនបានបង់ពន្ធចូលរដ្ឋជាង ៥០០ លានដុល្លារ ហើយបានផ្តល់ការងារជាង ២ ០០០ កន្លែង រួមបុគ្គលិកបណ្ដែតជាង ១ ម៉ឺននាក់។
Metfone ជាក្រុមហ៊ុនបណ្តាញទូរសព្ទធំជាងគេមានអ្នកប្រើប្រាស់ជាង ៩ លាននាក់ ថ្មីៗនេះ បានរៀបចំខួប១០ឆ្នាំ ដែលមានការតាំងពិព័រណ៍ រួមទាំងការបង្ហាញពីបច្ចេកវិទ្យា គំនិតច្នៃប្រឌិតថ្មីចុងក្រោយនៅក្នុងទូរសព្ទចល័ត ដោយផ្តោតជាពិសេសទៅលើ Intelligent Connectivity។
លោក Le Dang Dungបានឲ្យដឹងថា Intelligent Connectivity រួមបញ្ចូលគ្នានៃប្រព័ន្ធទូរសព្ទ ជាមួយនឹងទម្រង់ដ៏វៃឆ្លាត AI ដែលជាដំណោះស្រាយដ៏មានប្រយោជន៍ ជួយបម្រើសុខុមាលភាពប្រជាពលរដ្ឋ អ្នកជំនួញ និងភ្ញៀវទេសចរនៅក្នុងប្រទេសកម្ពុជា។
ក្នុងឱកាសចូលរួមខួប ១០ ឆ្នាំរបស់ Metfone សម្តេចពិជ័យសេនា ទៀ បាញ់ ឧបនាយករដ្ឋមន្រ្តី ក៏បានកត់សម្គាល់ដល់វត្តមានរបស់ក្រុមហ៊ុន Metfone ដែលបានចូលរួមជួយដល់រដ្ឋាភិបាលក្នុងស្ថានភាពលំបាក។ លោកបានថ្លែងថា ក្នុងរយៈពេលបើកអាជីវកម្មនៅកម្ពុជា Metfone ជាដៃគូសហការណ៍ ជាមួយរដ្ឋាភិបាលក្នុងការបម្រែបម្រួលផ្នែកចក្ខុវិស័យព័ត៌មានបច្ចេកវិទ្យានៅកម្ពុជា។
ថ្លែងបន្ថែមនាឱកាសនោះ លោកក៏អំពាវនាវដល់ក្រុមហ៊ុនផ្តល់សេវាទូរសព្ទទាំងអស់បន្តកាតព្វកិច្ចចូលរួមបង់ពន្ធចូលរដ្ឋ ដើម្បីឆ្លើយតបតម្រូវការនិងចូលរួមដល់ការអភិវឌ្ឍដល់ប្រទេសជាតិ៕