- 2019-02-21 01:35:00
- ព័ត៌មាន
ប្រើ Facebook រាល់ថ្ងៃកុំចេះតែចុចចូល Link ផ្ដេសផ្ដាសប្រយ័ត្ននាំទុកដាក់ខ្លួន
- 2019-02-21 01:35:00
- ចំនួនមតិ 0 | ចំនួនចែករំលែក 0
ប្រើ Facebook រាល់ថ្ងៃកុំចេះតែចុចចូល Link ផ្ដេសផ្ដាសប្រយ័ត្ននាំទុកដាក់ខ្លួន
ចន្លោះមិនឃើញ
អ្នកប្រើប្រាស់បណ្ដាញសង្គមហ្វេសបុកនាពេលបច្ចុប្បន្នកាន់តែមានការកើនឡើង អ្នកប្រើប្រាស់ទាំងនោះតែងមានគោលបំណងផ្សេងៗដូចជា ទទួលបាននូវព័ត៌មាន ធ្វើពាណិជ្ជកម្ម ទំនាក់ទំនងជាដើម ប៉ុន្តែក៏មានជនខិលខូចមួយចំនួន បានប្រើប្រាស់ក្នុងគោលបំណងមិនល្អផងដែរ។
ថ្មីៗនេះគេបានរកឃើញ ការបោកបញ្ឆោតដោយប្រើ Facebook popup phishing attacks។ ការបោកបញ្ឆោតនេះ ជនខិលខូចបានបង្កើតជាអត្ថបទ ឬជាទម្រង់ផ្សេងៗដែលធ្វើឲ្យយើងមានការចាប់អារម្មណ៍ និងចូលទៅអានព័ត៌មាននោះ តែមុននឹងអានបាន គេបង្កើតផ្ទាំងមួយ (Popup screen) សម្រាប់ឲ្យអ្នកអានធ្វើការ Login ជាមុនទើបអាចអានបាន។
វិធីនេះអាចជាល្បិចដើម្បីលួចយកគណនី Email និង Password របស់អ្នក ដើម្បីប្រើប្រាស់ ក្នុងគោលបំណងទុច្ចរិតប៉ុណ្ណោះ។
វិធីសាស្ត្រការពារខ្លះៗដើម្បីកុំឲ្យជនខិលខូចលួចយកគណនីហ្វេសបុករបស់លោកអ្នកបាន៖
១-ធ្វើការឆែកមើលឲ្យប្រាកដថា URL ជារបស់ក្រុមហ៊ុនហ្វេសប៊ុក(https://www.facebook.com/) ។
២-ប្រើប្រាស់ កម្មវិធី ឬ Browser Extension ដើម្បីស្រាវជ្រាវ និងកំណត់ Phishing Domain ។
៣-កុំបំពេញព័ត៌មានអំពីគណនី Email ឬ Password លើ Popup ណាមួយដែលលោកអ្នកមិនទុកចិត្ត ។
៤-បើកប្រើកម្មវិធី Two-Factor-Authentication ដើម្បីការពារ ការចូលទៅកាន់គណនីដោយគ្មានការអនុញ្ញាត (Unauthorize-Access) ។
សូមធ្វើការរងចាំ យើងខ្ញុំនឹងបង្ហាញ នូវការប្រើលេខសម្ងាត់ដែលលំបាកនឹងស្មាន (Strong Password) ដើម្បីការពារ ការចូលទៅកាន់គណនីផ្សេងៗនៅអត្ថបទបន្ទាប់៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Tehnology...
ប្រភព៖ នាយកដ្ឋានប្រឆាំងបទល្មើស បច្ចេកវិទ្យា
