- 2019-02-18 03:21:47
- ព័ត៌មាន
ក្រុមហ៊ុនផលិត BlackBerry កំពុងផលិតស្មាតហ្វូនអាចបត់ជានាឡិកាបាន
- 2019-02-18 03:21:47
- ចំនួនមតិ 0 | ចំនួនចែករំលែក 0
ក្រុមហ៊ុនផលិត BlackBerry កំពុងផលិតស្មាតហ្វូនអាចបត់ជានាឡិកាបាន
ចន្លោះមិនឃើញ
ក្រុមហ៊ុនចិន TCL ដែលគេស្គាល់តាមរយៈការផលិតស្មាតហ្វូនម៉ាក BlackBerry និង Alcatel កំពុងសម្ងំផលិតឧបករណ៍អាចបត់បានយ៉ាងតិចចំនួន ៥។
ក្នុង ៥ នោះរួមមាន Tabet ចំនួនពីរ, ស្មាតហ្វូនចំនួនពីរ និងស្មាតហ្វូនមួយដែលអាចបត់ធ្វើជានាឡិកា Smartwatch បាន។ នេះបើផ្អែកតាមរូបភាព Render និងប៉ាតង់មួយចំនួនដែលសារព័ត៌មាន CNET បានប្រទះឃើញ។
Tablet មួយមានអេក្រង់អាចបត់ចូលក្នុង និងមួយទៀតមានអេក្រង់បត់ចេញក្រៅ។ ចំណែកស្មាតហ្វូនវិញក៏មានពីរប្រភេទដូចគ្នា គឺមានអេក្រង់បត់ចូលក្នុង និងចេញក្រៅ ដោយមានគន្លាក់បត់នៅចំកណ្ដាលប្រៀបដូចទូរសព្ទបត់ដែរ។ ចុងក្រោយគឺជាស្មាតហ្វូនដែលអាចបត់បាន ដើម្បីពាក់លើកដៃ ប្រៀបដូចជានាឡិកា។
គួរដឹងថាកាលពីខែកន្លងទៅ នាយកប្រតិបត្តិ TCL បានលើកឡើងថានៅឆ្នាំ ២០២០ ក្រុមហ៊ុននឹងបញ្ចេញឧបករណ៍ដែលមានអេក្រង់អាចបត់បានដំបូងរបស់ខ្លួន។ ប៉ុន្តែមិនបានបញ្ជាក់ថាជាស្មាតហ្វូន ឬ Tablet នោះទេ។
TCL ស្ថិតក្នុងចំណោមក្រុមហ៊ុន Android ដទៃទៀត ដែលកំពុងដុតដៃដុតជើងបញ្ចេញស្មាតហ្វូនអាចបត់បាន ក្នុងនោះរួមមាន Samsung, Huawei ហើយសូម្បីតែ Apple ក៏បានចុះប៉ាតង់អំពីឧបករណ៍ប្រភេទនេះដែរ៕
ចុចអាន៖
